Lavani Dance Video: सोशल मीडियावर दररोज असंख्य व्हिडीओ व्हायरल होताना आपण पाहत असतो. त्यात डान्सच्या व्हिडीओंची संख्या अधिक असते. अगदी लहानग्यांपासून ते वयोवृद्धापर्यंतची मंडळी सोशल मीडियावर थिरकताना दिसतात. प्रसिद्धी किंवा स्वत:च्या आनंदासाठी अनेक लोक मेट्रोत, तर कधी सार्वजनिक ठिकाणी, तर कधी रस्त्यांवर डान्स करताना आपल्याला दिसतात.
काही महिन्यांपासून सोशल मीडियावर ‘शेकी शेकी’, ‘मन तुझं जलतरंग’ ही गाणी खूप चर्चेत आली आहेत. त्यावर लाखो लोकांनी बनवलेल्या रील्स पाहायला मिळत आहेत. पण, सध्या ‘मदनमंजिरी’ या मराठी गाण्यावर एक मुलगा थिरकला आहे, ज्याचा व्हिडीओ सोशल मीडियावर तुफान गाजतोय. सध्या या मुलाच्या डान्सची चर्चा सोशल मीडियावर सुरू आहे.
व्हायरल व्हिडीओ (Viral Video)
सोशल मीडियावर व्हायरल झालेल्या या व्हिडीओची सुरुवात सदरा आणि धोतराचा पेहराव करून आलेल्या मुलाच्या जबरदस्त एन्ट्रीने होते. या व्हिडीओमध्ये आपण पाहू शकतो की, एक लहान मुलगा मदनमंजिरी या मराठी गाण्यावर धमाकेदार परफॉर्मन्स करतो आहे. हुबेहुब डान्स स्टेप्स, सुंदर अदा, या डान्ससाठी लागणारा नाजुकपणा या सगळ्या गोष्टींची सांगड घालत अगदी सुरेख पद्धतीने तो डान्स सादर करताना दिसतो आहे. या चिमुकल्याचा डान्स सध्या सोशल मीडियावर चर्चेचा विषय बनला आहे. अनेकांनी त्याच्या या डान्सचं खूप कौतुकदेखील केलं आहे.
सोशल मीडियावर व्हायरल झालेला हा व्हिडीओ @vihaan_24014 या इन्स्टाग्राम अकाउंटवरून शेअर करण्यात आला आहे. व्हिडीओ व्हायरल होताच याला १ मिलियनपेक्षा जास्त व्ह्युज आले आहेत.
युजर्सच्या प्रतिक्रिया
मुलाचा व्हिडीओ सोशल मीडियावर व्हायरल होताच अनेकांनी या व्हिडीओवर आपापल्या प्रतिक्रिया दिल्या आहेत. एका युजरने कमेंट करत लिहिलं, “खूपच छान”. दुसऱ्याने, “अप्रतिम”, अशी कमेंट केली. तिसऱ्याने कमेंट करत लिहिलं, “पुरुष आणि नृत्य सामान्य होत असल्याचे पाहून अभिमान वाटतो.” तर एकाने, “एवढ सुंदर मुलीसुद्धा नाचत नाहीत खरंच खूप छान”, अशी कमेंट केली. तर एकजण कमेंट करत म्हणाला, “याला म्हणतात, तोडा ठेका, हा व्हिडीओ जरा गौतमी पाटीलला दाखवा आणि सांगा, लावणी काय असते, संस्कृती काय असते.”
