इंटरनेट हा पोट धरून हसवेल अशा व्हिडिओजचा खजिनाच आहे. अलिकडे माकडाने बाईचे केस ओढल्याचा व्हिडिओ तुफान व्हायरल झाला होता. आता एका मांजरीचा व्हिडिओ व्हायरल झाला आहे. यामध्ये ती एस्केलेटरवर चढण्याचा प्रयत्न करत आहे. मात्र या दरम्यान तिची अवस्था पाहून तुम्हाला चांगलाच हशा पिकेल.
एस्केलेटरमुळे मांजर जेरीस
Yoda4ever नावाच्या ट्विटर युजरने हा व्हिडिओ शेअर केला आहे. यामध्ये एक मांजर वर जाण्यासाठी मोठ्या आत्मविश्वासाने भराभरा एस्केलेटरच्या पायऱ्या चढते. पण पायऱ्या खालच्या दिशेने येत असल्याने ती वर जाण्याऐवजी परत खाली पोहोचते. मोठ्या आत्मविश्वासाने तिची चढायची तयारी दिसून येते. जणू सहजरित्या ती एस्केलेटर पार करेल. मात्र एस्केलेटरमुळे ती जेरीस येते. वर जाण्याऐवजी खाली पोहोचते.
मांजरीचे प्रयत्न अपयशी
एरव्ही गल्ली, बोळांमध्ये, रसत्यांवर वेगाने पळणारी मांजर मात्र एस्केलेटवर चढताना अपयशी होते. पण ती हार मानत नाही. ती परत एस्केलेटरवर चढण्याचा प्रयत्न करते. मात्र त्यापूर्वी एक व्यक्ती तिला वर जाणाऱ्या पायऱ्या असलेल्या एस्केलेटरवर ठेवतो. त्यावेळी मांजर वर पोहोचते. यावेळी ती कुठलीही धावपळ न करता शांततेने एका पायरीवर बसून वर जाते.
हे दृश्य पाहून तुम्हाला खूप हसू येईल. या व्हिडिओला १ दशलक्ष व्ह्यूज मिळाले आहेत आणि त्यावर प्रतिक्रियांचा वर्षाव होत आहे. काहींना या माजरीने खूप हसवले तर काही यूजरने या माजरीची मदत करणाऱ्या व्यक्तीचे कौतुक केले आहे. एका युजरने या मांजरीची लोकप्रिय टॉम अँड जेरी या कार्टून शोमधील टॉमशी तुलना केली आहे.
