Viral Video: हल्ली सोशल मीडियावर प्रत्येक वयोगटातील व्यक्तींचे मजेशीर व्हिडीओ व्हायरल होत असतात. त्यात कधी कोणी गाणं गाताना दिसतं, तर कधी कोणी अभिनय किंवा डान्स करताना दिसतं. त्यांपैकी काही व्हिडीओ खूप चर्चेतही येतात; ज्यावर लाखो व्ह्युज आणि लाइक्सही मिळतात. सध्या असाच एक व्हिडीओ तुफान व्हायरल होतोय; ज्यात एक भाऊ गाणं गात असून, त्याची बहीण त्यावर डान्स करताना दिसतेय.
लहान मुलं खरंच खूप गोड आणि निरागस असतात. त्यांचं बोलणं, वागणं याकडे नकळत आपलं लक्ष वेधलं जातं. हल्ली सोशल मीडियामुळे तर एखादं गाणं ऐकल्यावर ते लगेच त्यांना तोंडपाठ होते. सोशल मीडियावरही अशा चिमुकल्यांचे नवनवीन व्हिडीओ सतत पाहायला मिळतात. सध्या असाच एक व्हिडीओ खूप व्हायरल होतोय; ज्यात भावंडं हटके पद्धतीने गाणं गाताना आणि डान्स करताना दिसत आहेत. त्यांचा अनोखा डान्स पाहून तुम्हीही कौतुक कराल.
या व्हायरल व्हिडीओमध्ये तुम्ही पाहू शकता की, एका घरामध्ये लहान मुलगा गिटार वाजवत गाणं गात असून, त्याची लहान बहीण त्या गाण्याच्या तालावर नाचताना दिसत आहे. यावेळी भाऊ गिटारवर ‘डान्स पे चान्स मार ले’ हे गात आहे. या व्हिडीओतील भावंडांची गाणं गाण्याची अनोखी पद्धत आणि डान्स करण्याची स्टाईल पाहून नेटकरी त्यांचं कौतुक करताना दिसत आहेत.
हा व्हिडीओ इन्स्टाग्रामवरील @restu_singgih_hanggara या अकाउंटवर शेअर करण्यात आला आहे. त्यावर आतापर्यंत सात दशलक्षांहून अधिक व्ह्युज आणि चार लाखांहून अधिक लाइक्स मिळाल्या आहेत. तसेच अनेक युजर्सही या व्हिडीओवर कमेंट्स करताना दिसत आहेत.
पाहा व्हिडीओ:
युजर्सच्या कमेंट्स चर्चेत
एका युजरने लिहिलेय, “हे काहीतरी वेगळंच आहे.” दुसऱ्या युजरने लिहिलेय, “मस्त व्हिडीओ.” तिसऱ्या युजरने लिहिलेय, “मी दहा वेळा परत परत पाहिला हा व्हिडीओ.” चौथ्या युजरने लिहिलेय, “खूप मस्त मुलांनो.”
