Viral Video: बाप-लेकीचं नातं नेहमीच खूप खास समजलं जातं. बाप गरीब असो वा श्रीमंत; तो आपल्या लेकीला नेहमीच तळहाताच्या फोडाप्रमाणे जपतो असं म्हणतात. एखाद्या मुलीवर तिच्या वडिलांएवढे प्रेम जगात कोणीच करू शकत नाही. त्याशिवाय मुलीदेखील आपल्या वडिलांना खूप जीव लावतात. त्यांच्यासाठी अनेक गोष्टी करतात, वडिलांनी दिलेली प्रत्येक गोष्ट मुलीसाठी खूप खास आणि लाखमोलाची असते. आता व्हायरल होणाऱ्या व्हिडीओमध्येदेखील अशाच एका बाप-लेकीचा सुंदर व्हिडीओ व्हायरल होतोय, जो पाहून तुम्हीही कौतुक कराल.
आपल्या लेकीने बापासाठी केलेली प्रत्येक गोष्ट त्याला लाखमोलाची असते. एक वेळ एखादा पुरुष आपल्या बायकोनं सांगितलेल्या काही गोष्टी ऐकत नाही; पण आपल्या लाडक्या लेकीनं सांगितलेल्या अनेक गोष्टी मागचा-पुढचा विचार न करता लेकीच्या आनंदासाठी करतो. शिवाय आपल्या लेकीने आयुष्यात पहिल्यांदा केलेली एखादी नवी गोष्ट बापाला भरपूर आनंद देऊन जाते. सध्या व्हायरल होत असलेल्या व्हिडीओतही हाच क्षण पाहायला मिळत आहे.
या व्हायरल व्हिडीओमध्ये तुम्ही पाहू शकता की, एक लहान चिमुकली साडी नेसून ती आपल्या बाबांना दाखवण्यासाठी जाते. बाबा तिला पाहतात आणि प्रेमाने जवळ घेऊन तिचे चुंबन घेतात. बापाचे हे लेकीवरचे प्रेम पाहून सोशल मीडियावर अनेक जण कमेंट्स करत आहेत.
हा व्हिडीओ इन्स्टाग्रामवरील @ashvin_mahajan10 या अकाउंटवरून शेअर करण्यात आला असून, त्याला आतापर्यंत तीन मिलियनहून अधिक व्ह्युज आणि दोन लाखांहून अधिक लाइक्स मिळाल्या आहेत. तसेच अनेक नेटकरी यावर कमेंट्स करताना दिसत आहेत.
पाहा व्हिडीओ:
एका युजरनं लिहिलंय, “मला लेक नाही, पण काय माहिती हे गाणं ऐकलं की आपोआप डोळ्यात पाणी येत…” तर आणखी एकानं लिहिलंय, “खूपच छान लक्ष्मी आहे.” तर आणखी एकानं लिहिलंय, “इतका प्रेम करणारा बाप मिळाला म्हणजे मुलीला तिच्या पूर्ण जीवनात कोणतीच कमतरता नसणार.” आणखी एका व्यक्तीनं लिहिलंय, “मला मुलगी नाही, पण लहान मुली खूप आवडतात.”
