Viral Video: समाजमाध्यमांवर कधी काय पाहायला मिळेल हे सांगता येत नाही. अलीकडे तर अनेक जण प्रसिद्धीसाठी कोणत्याही सार्वजनिक ठिकाणी जाऊन रील्स बनवताना दिसतात. असे व्हिडीओ सोशल मीडियावरही मोठ्या प्रमाणात व्हायरल होतात. आपण यापूर्वी दिल्ली मेट्रोतील डान्सचे अनेक व्हिडीओ सोशल मीडियावर पाहिले आहेत. या व्हिडीओंवर नेटकरी नेहमीच संताप व्यक्त करताना दिसतात. दरम्यान, आतादेखील असाच एक व्हिडीओ व्हायरल होतोय; पण हा व्हिडीओ दिल्ली मेट्रोतील नसून ट्रेनमधील आहे, ज्यात एक भेळ विकणारी महिला रील बनवताना दिसतेय.
हल्ली लोक सोशल मीडियावर व्ह्युज, लाइक्स व फॉलोअर्ससाठी कुठे काय करतील हे सांगता येत नाही. अनेकदा काही जण व्हिडीओसाठी जीवघेणे स्टंट करताना दिसतात; तर काही जण कोणतीही पर्वा न करता, सार्वजनिक ठिकाणी अश्लील नृत्य करताना तर रील्स बनवताना दिसतात. सध्या व्हायरल होत असलेल्या व्हिडीओमध्ये एक महिला हिंदी गाण्यावर अभिनय करताना दिसतेय. तिचे एक्सप्रेशन्स पाहून नेटकरी अनेक कमेंट करताना दिसत आहेत.
या व्हायरल व्हिडीओमध्ये तुम्ही पाहू शकता की, एक भेळ विकणारी महिला ट्रेनच्या दरवाजाजवळ बसली असून यावेळी बसल्या बसल्या ती रील बनवताना दिसत आहे. ज्यात ती हिंदी गाण्यावर भन्नाट एक्सप्रेशन्स देत अभिनय करत आहे. तिच्या चेहऱ्यावरील एक्सप्रेशन पाहून नेटकरी अनेक कमेंट्स करताना दिसत आहेत.
हेही वाचा: ‘कशाला जीवाची बाजी लावता…’, सायकलवरून स्टंट करायच्या नादात गेला तोल… पुढे जे घडलं; VIDEO एकदा पाहाच…
पाहा व्हिडीओ:
हा व्हिडीओ इन्स्टाग्रामवरील @sangeetagaikwad123 या अकाउंटवरून शेअर करण्यात आला आहे. त्यावर आतापर्यंत आठ दशलक्षांहून अधिक व्ह्युज आणि चार लाखांहून अधिक लाइक्स मिळाल्या आहेत. तसेच अनेक जण या व्हिडीओवर कमेंट्स करताना दिसत आहेत.
एका युजरने कमेंटमध्ये लिहिलेय, “ताई तुम्ही खूप टॅलेंटेड आहेत.” दुसऱ्याने लिहिलेय, “खूपच सुंदर डान्स”, तिसऱ्याने लिहिलेय, “तुमचे एक्सप्रेशन्स म्हणजे कमाल”, चौथ्या युजरने लिहिलेय, “आंटी रॉक; प्रवासी शॉक.”
