Viral Video : येत्या दोन दिवसांवर आषाढी एकादशी आहे. आषाढी एकादशीनिमित्त राज्यात जय्यत तयारी सुरू आहे. महाराष्ट्राच्या कानाकोपऱ्यातून अनेक वारकरी विठ्ठलाच्या दर्शनासाठी पंढरपूरला गेले आहेत. वारीदरम्यान हे वारकरी कधी विठ्ठलनामाचा जयघोष करताना तर कधी हरि लीला दाखवताना दिसले. सध्या काही वारकऱ्यांचा असाच एक व्हिडीओ सोशल मीडियावर चांगलाच व्हायरल होत आहे. या व्हिडीओमध्ये तुम्हाला दिसेल की वारकऱ्यांनी हरि लीला सादर केली आहे.
हा व्हायरल व्हिडीओ वारीदरम्यानचा आहे. या व्हिडीओत एक वारकरी कृष्ण तर एक वारकरी सोंगाड्या बनला आहे. सोंगाड्या हा कृष्णाच्या समोर नृत्य करत आहे आणि शेवटी तो कृष्णाच्या पाया पडतो. त्यानंतर कृष्ण आणि सोंगाड्या अवतारात असलेले दोन्ही वारकरी फुगडी खेळतात. हरि लीला दाखवणारा हा व्हिडीओ सध्या सोशल मीडियावर चांगलाच व्हायरल होत आहे.
हेही वाचा : अस्वलाच्या अवतारात शेतात फिरतोय शेतकरी, कारण वाचून तुम्हालाही धक्का बसेल
travelstories_by_anand या इंस्टाग्राम अकाउंटवरुन हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिले आहे, “गोकुळात रंग खेळतो श्रीहरी !! वारीदरम्यान वारकरी सद्भावनेने आणि प्रेमाने बरेच मजेदार खेळ खेळतात. कोणी कृष्ण बनतो तर कोणी सोंगाड्या. हे सर्वजण विठ्ठलाचे भक्त आहेत आणि त्याच्या भक्तीने बांधले गेले आहेत. जय जय पांडूरंग हरी !! “
या व्हिडीओवर काही युजर्सनी प्रतिक्रिया देताना ‘श्री हरी विठ्ठल’ लिहिले आहे तर काही युजर्सनी ही ‘कृष्णाची लीला’ असल्याचे लिहिले आहे.
