Viral video: ट्रेन असो, बस असो वा मेट्रो प्रवाशांमध्ये दररोज कोणत्या ना कोणत्या मुद्द्यावरून वाद सुरु असतात. कधी धक्काबुक्कीवरून वाद सुरु होतात तर कधी सीटवरून बाचाबाची होते. ट्रेनमधून प्रवास करताना तुम्ही देखील अशाप्रकारची भांडण, हाणामारी पाहिली असेल. ट्रेनमधील भांडण कधी-कधी इतकी टोकाला जातात की, प्रवासी एकमेकांवर हात उचलतात. यावेळी इतर प्रवासी त्यांचे भांडण सोडवण्यासाठी पुढे येतात. ट्रेनमध्ये अनेकदा सीटवर बसण्यावरूनच सर्वाधिक भांडणं होत असतात. या भांडणाचे नंतर हाणामारीत रुपांतर होते. सध्या सोशल मीडियावर बसमधील महिलांच्या भांडणाचा असाच एक व्हिडीओ व्हायरल होत आहे. ज्यात दोन्ही महिला सीटवरून एकमेकांशी जोरदार भांडत आहेत.
व्हायरल होत असलेल्या या व्हिडीओमध्ये तुम्ही पाहू शकता, दोन महिला बसमध्ये एकमेकांशी भांडताना दिसत आहे. दोन्ही महिला सीटसाठी एकमेकांशी भांडत होत्या, असे सांगितले जात आहे. यामध्ये अक्षरश: एका महिलेला दुसऱ्या महिलेनं खाली पाडलं आहे. या महिलांची हाणामारी इतकी जोरात होते की यामध्ये महिला गंभीर जखमी होते. एका महिलेचा भांडणामध्ये कान फाटतो आणि रक्तस्त्राव होतो. या व्हिडीओमध्ये तुम्ही पाहू शकता, महिला तिच्या ओढणीला रक्त पुसत आहे.
यावेळी बसमध्ये उपस्थित इतर प्रवासी दोन्ही महिलांना समजावण्याचा प्रयत्न करताना आणि त्यांना शांत होण्यास सांगताना दिसत आहेत. बसमध्ये सीटवरून भांडण होण्याची ही पहिलीच वेळ नाही. याआधीही अनेकवेळा असे व्हिडिओ समोर आले आहेत.
पाहा व्हिडीओ
हेही वाचा >> VIDEO: आनंद शोधला की सापडतोच! दोन वेळच्या अन्नाची भ्रांत, डोक्यावर छप्पर नाही, मात्र चिमुकल्यांचं जगणं एकदम रॉयल
हा व्हिडीओ @gharkekalesh या पेवर शेअर करण्यात आला आहे. व्हिडिओ पाहून यूजर्स वेगवेगळ्या प्रतिक्रिया देत आहेत. एका यूजरने कमेंट करत, ‘WWE एक्सप्रेस’ असे म्हटले आहे. तर दुसऱ्या एका युजरने म्हटले की, आम्ही ट्रेनमध्ये जाते तेव्हा आम्हालाही असे सज्जन लोक भेटतात.
