Wife with two husbands: आयुष्यात आपल्या मनासारखा योग्य जोडीदार मिळणं म्हणजे नशिबच समजायचं. आपल्या सुख- दुःखात नेहमी साथ देणारा जोडीदार मिळाला की आयुष्य समाधानाने जगता येतं. हे नात कायम जपण्यासाठी लग्नसोहळा पार पाडला जातो. नवरा- बायकोचं नात खूप पवित्र मानलं जातं. एकमेकांबद्दल प्रेम, तितकाच आदर आणि विश्वास असणारं नात हे असतं.
पण काहीजण लग्न आणि प्रेमाच्या नावाखाली आपल्या मर्यादा ओलांडू लागले आहेत. एकाचवेळी दोन लग्न करून संसारदेखील करू लागले आहेत. याचा मनस्ताप कुठेनाकुठे संसारात त्या तिघांनाही भोगावा लागत असेल, पण अनेकदा सोशल मीडियावर प्रसिद्धी मिळवण्यासाठी असे प्रकार केले जातात. सध्या असाच एक व्हिडीओ सोशल मीडियावर व्हायरल होतोय. ज्यात एका महिलेने दोन सख्ख्या भावांशी लग्न केलं आहे.
दोन पतींसह संसार करतेय पत्नी
सोशल मीडियावर व्हायरल झालेला हा व्हिडीओ सध्या चर्चेत आहे. यात एक विवाहित महिला दोन पतींसह संसार करत असल्याच दिसतंय. यादरम्यान, एका व्यक्तीने त्यांची मुलाखत घेतली आणि त्यांना काही प्रश्न विचारले. मुलाखतदाराने आधी विचारलं की, हे दोघं कोण आहेत. यावर महिला म्हणली “एक पहिला पती आहे तर एक दुसरा पती आहे आणि दोघं सख्खे भाऊ आहेत.”
महिलेने दोन्ही नवऱ्यांसाठी दोन मंगळसूत्र परिधान केले होते. ती म्हणाली, “एका नवऱ्यासाठी एक मंगळसूत्र आहे, तर दुसऱ्या नवऱ्यासाठी दुसरं. दोन पती आहेत तर दोघांसाठी दोन मगळसूत्र घालणं गरजेचं आहे.” यावर मुलाखतदाराने विचारलं की तुम्ही हे सगळं मॅनेज कसं करता?
“आम्ही कुठेही जाताना एकत्रच जातो. एकत्र राहतो, एकत्र खातो, एकत्र झोपतो.” असं महिलेने सांगितलं.
सोशल मीडियावर तुफान व्हायरल झालेला हा व्हिडीओ @digitalbharat563 या इन्स्टाग्राम अकाउंटवरून शेअर करण्यात आला असून एक पत्नी के दो दो पती असं कॅप्शन याला देण्यात आलं आहे. तर या व्हिडीओला तब्बल २.४ मिलियन व्हूयज आले आहेत.
युजर्सच्या प्रतिक्रिया
एक पत्नी आणि दोन पतींचा हा व्हिडीओ व्हायरल होताच अनेकांनी यावर आपल्या प्रतिक्रिया दिल्या आहेत. एका युजरने कमेंट करत लिहिलं, “घोर कलयुग आहे.” तर दुसऱ्याने “आता हेच बघायचं बाकी राहिलं होतं” अशी कमेंट केली. तर एकजण कमेंट करत म्हणाला की, “यांना तुरूंगात टाका”
