VIDEO: मेट्रोमध्ये पुन्हा एकदा झाला राडा! तरुणीनं मारली थोबाडीत, पुढे तरुणानं काय केलं हे तुम्हीच पाहा

…अन् तिनं मारली थोबाडीत

व्हिडीओमध्ये तुम्ही पाहू शकता, एक तरुणी सीटवर बसलेल्या एका तरुणासोबत जोरजोरानं भांडत आहे. बहुदा सीटवरूनच त्यांचं भांडण झालं असावं अशी शक्यता आहे. कारण आसपासचे लोक तरुणीला शांत करताना दिसत आहेत. पण, हळूहळू दोघांचाही पारा आणखी वाढला आणि रागाच्या भरात तरुणीनं त्याला थोबाडीत मारली. मार खाताच मग तरुणसुद्धा भडकला आणि तिला मारण्यासाठी पुढे सरसावला. पण, तेवढ्यात एक महिला प्रवासी मध्ये पडली अन् तिनं तरुणाला रोखलं. दरम्यान, इतर प्रवासीसुद्धा मध्ये पडले आणि दोघांना एकमेकांपासून दूर नेत भांडण सोडवण्याचा प्रयत्न केला.

व्हायरल झालेल्या व्हिडीओमध्ये एक मुलगी त्या मुलावर ओरडताना दिसत आहे. एका जागेवरून भांडण झाल्याचे दिसते. यानंतर ही मुलगी या तरुणावर हात उचलते, त्यानंतर मुलगा हतबल होतो आणि मुलीकडे धावतो, तेव्हा मुलीची आई मुलाचा हात पकडते. यानंतर मुलगा म्हणतो की मुलगी असल्याचा गैरफायदा घेऊ नका. यानंतर आजूबाजूचे सर्व प्रवासी हे भांडण मिटवण्याचा प्रयत्न करताना दिसत आहेत.

पाहा व्हिडीओ

हेही वाचा >> हद्दच झाली! ट्रेनमध्ये एका सीटसाठी महिलेने ओलांडली मर्यादा; VIDEO पाहून संतापले लोक

दिल्ली मेट्रोचा हा व्हायरल व्हिडीओ @gharkekalesh नावाच्या एका एक्स अकाउंटने शेअर केला आहे, जो आतापर्यंत सात लाख ५३ हजारांहून अधिक वेळा पाहिला गेला आहे, तर अनेकांनी या व्हिडीओला लाईकही केले आहे. या घटनेबद्दल संताप व्यक्त होत असून नेटकरी यावर प्रतिक्रिया देत आहेत. एका युजरने लिहिले… जर तुम्ही तिला मारलं असतं तर तो मुलगा आतापर्यंत तुरुंगात गेला असता.