विरार : ७० हजार नॅपकिन वितरणाविना पडून , अस्मिता योजनेचे ढिसाळ नियोजन | Sloppy planning of Asmita Yojana without distribution of 70 thousand napkins amy 95 | Loksatta

विरार : ७० हजार नॅपकिन वितरणाविना पडून , अस्मिता योजनेचे ढिसाळ नियोजन

११ तो १९ वयोगटातील मुलींसाठी अल्पदरात सॅनिटरी नॅपकिन उपलब्ध करून देण्यासाठी अस्मिता योजना २०१८ रोजी आणली होती

विरार : ७० हजार नॅपकिन वितरणाविना पडून , अस्मिता योजनेचे ढिसाळ नियोजन
वसई-विरार महापालिका

प्रसेनजीत इंगळे

११ तो १९ वयोगटातील मुलींसाठी अल्पदरात सॅनिटरी नॅपकिन उपलब्ध करून देण्यासाठी अस्मिता योजना २०१८ रोजी आणली होती, परंतु नियोजन नसल्यामुळे ही योजना दिवसेंदिवस अकार्यक्षम होत चालली आहे. जिल्हा आरोग्य विभागाकडे ७० हजार नॅपकिन येऊन पडले आहेत, परंतु त्याचे अद्याप वितरण झालेले नाही. तर वसई-विरार महापालिकेने नॅपकिनची खरेदीच केलेली नाही.

महाराष्ट्र शासनाने अस्मिता योजना पंकजा मुंडे या महिला बाल विकासमंत्री असताना लागू केली होती, पण केवळ तीन वर्षांतच या योजनेचे नियोजनाच्या अभावामुळे तीनतेरा वाजले. तत्कालीन ग्रामविकासमंत्री हसन मुश्रीफ यांनी अस्मिता योजनेतील त्रुटी पाहून १५ ऑगस्ट पासून १ रुपयात १० सॅनिटरी नॅपकिन ही योजना राज्यभर लागू करण्यात आली होती. पण या योजनेतूनसुद्धा अद्यापही एकाही सॅनिटरी नॅपकिनचा पुरवठा झाला नाही.वसई- विरार महानगरपालिका आपल्या परिसरात येणाऱ्या १५० हून शाळांमध्ये सॅनिटरी नॅपकिन मोफत वाटत आहे. यासाठी २५ लाख रुपयांची तरतूद करण्यात आली आहे. पण यावर्षी पालिकेने सॅनिटरी नॅपकिनची कोणतीही खरेदी केली नाही.

लवकरच खरेदी केली जाण्याचे आश्वासन महिला व बाल कल्याण विभागाचे उपायुक्त डॉक्टर किशोर गवस यांनी सांगितले. तर उपजिल्हा वैद्यकीय अधिकारी जिल्हा परिषद यांनी सांगितले की, ७० हजार सॅनिटरी नॅपकिन आले आहेत, पण अजूनही त्यांचे वितरण झाले नाही असे म्हटले आहे.
एकूणच जिल्ह्यात अस्मिता योजनेचे घोंगडे भिजत आहे. कारण या संदर्भात कोणत्याही विभागाला अद्ययावत माहिती नाही. शहर आणि ग्रामीण भागात मोठय़ा प्रमाणात मागणी असतानाही शासनाकडून पुरवठा केला जात नाही. याचा मोठा फटका महिला आणि किशोरवयीन मुलींच्या आरोग्याला बसत आहे. त्यांचे आरोग्य धोक्यात आले आहे.

अस्मिता योजनेच्या अंतर्गत अद्याप शासनाकडून ठेकेदार नेमले नाहीत. यामुळे यावर्षी कोणताही पुरवठा झाला नाही. जुन्या ठेकेदाराच्या मार्फत अनियमितता आणि पैशाच्या बाबतीत अनेक त्रुटी असल्याने त्यांचे काम थांबविल्याची माहिती मिळाली आहे. शासनाकडून नवीन सूचना आल्यानुसार कारवाई केली जाईल. जुन्या ठेकेदाराला मुदतवाढ दिली की नाही याची माहिती घ्यावी लागेल. – उमेश कोकाणी, जिल्हा अभियान व्यवस्थापक, पालघर जिल्हा परिषद.

मराठीतील सर्व वसई विरार ( Vasaivirar ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
शहरबात : ‘अधिकृत’ शहरातील ‘अनधिकृत’ निवास

संबंधित बातम्या

प्रदूषण रोखण्यासाठी वसई- विरार महापालिकेचा त्रिस्तरीय प्रयोग ; कृत्रिम तलाव, दगडखाणीत विसर्जन आणि मूर्ती दान
वसई: बँक दरोडयातील फरार आरोपी अनिल दुबे अखेर अटकेत

व्हिडिओ

ताज्या बातम्या
लाचलुचपत प्रतिबंधक विभागाच्या महिला पोलीस निरीक्षकासह पतीच सापळ्यात अडकला; औरंगाबाद येथील पथकाची कारवाई
बाईक टॅक्सी ॲपवर १० डिसेंबरपर्यंत कारवाई करण्याचे आश्वासन; पुण्यातील रिक्षाचालकांचा बंद अखेर मागे
“हा प्रोपगंडा आणि वल्गर चित्रपट…” IFFI मध्ये मुख्य ज्यूरींनीच साधला ‘द काश्मीर फाईल्स’वर निशाणा
VIDEO: “त्याने आमच्या बहिणीचे ३५ तुकडे केले, आम्ही त्याचे…” आफताबच्या वाहनावर तलवारीने हल्ला करणाऱ्या व्यक्तीची धमकी
हायकोर्ट नगर रचनाकार आहे का? सर्वोच्च न्यायालयाची उच्च न्यायालयाच्या ‘त्या’ आदेशाला स्थगिती