तुनिशा शर्मा आत्महत्या प्रकरण : शिझान खानच्या पोलीस कोठडीत वाढ

वसई : अभिनेत्री तुनिशा शर्मा आत्महत्या प्रकरणातील आरोपी शिझान खान याच्या पोलीस कोठडीत आणखी दोन दिवसांची वाढ करण्यात आली. शिझान याने  तुनीषासोबत झालेल्या संभाषण मोबाईलमधून  नष्ट का केले याचा तपास करण्यासाठी  पाच दिवसांच्या कोठडीची मागणी केली होती.

तुनिशा शर्मा आत्महत्या प्रकरणात वालीव पोलिसांनी तुनिशाचा माजी प्रियकर शिझान खान याला अटक केली आहे. बुधवारी त्याची पाच दिवसांची पोलीस कोठडी संपली. दुपारी त्याला वसईच्या सत्र न्यायालयात हजर करण्यात आले. त्यावेळी न्यायालयाने त्याला ३० डिसेंबपर्यंत पोलीस कोठडी दिली. शिझान आणि तूनिशा यांच्यामध्ये ‘व्हाट्सअप’वर नेमके काय संभाषण होते?  याबाबत तपास करत आहोत, अशी माहिती पोलिसांनी दिली.