Telangana Assembly Election च्या पार्श्वभूमीवर अल्लू अर्जुनसह अनेक कलाकारांनी बजावला मतदानाचा हक्क!

तेलंगणामध्ये विधानसभा निवडणुकांच्या धर्तीवर मतदान प्रक्रिया पार पडत आहे. अनेक दिवसांच्या प्रचारानंतर आता तेलंगणामध्ये नागरिक त्यांचा मतदानाचा हक्क बजावताना दिसत आहेत. यावेळी या भागातील कलाकारांनीही मतदानाचा हक्क बजावला आहे. ११९ जागांसाठी लढल्या जाणाऱ्या या निवडणुकीमध्ये आपल्या पसंतीच्या उमेदवाराला मत देण्यासाठी दाक्षिणात्य कलाजगतातील कलाकार मंडळींनीही न चुकता हजेरी लावली.