‘भूमाता ब्रिगेड’च्या तृप्ती देसाई मंदिर, मशीद, शनिचौथरा अशा ठिकाणी महिलांच्या हक्कांसाठी गेले काही दिवस आंदोलने करत आहेत. त्यांच्या काही आंदोलनांना यशही आले आहे. त्यामुळे ‘ताईगिरी’साठी ओळखल्या जाणाऱ्या तृप्ती देसाई चांगल्याच प्रसिद्धीच्या झोतात आल्या आहेत. त्यांच्या याच प्रसिद्धीच्या आधारे त्या ‘बिग बॉस’ या रिअॅलिटी शो साठीही येणार आहेत अशी चर्चा होती. ‘बिग बॉस’च्या घरात तृप्ती देसाईंची ‘ताईगिरी’ पाहण्यासाठी अनेकजण उत्सुक होते. पण आता मात्र काही कामांमध्ये व्यस्त असल्यामुळे तृप्ती यांनी ‘बिग बॉस’च्या घरात येण्यास नकार दिला आहे.