दोन वर्षांपूर्वी धमकी दिल्याची तक्रार मेव्हण्याने पोलिसांत दाखल केल्याबद्दल माजी खासदार आणि भाजपा नेते संजय काकडे यांच्याविरोधात एफआयआर नोंदवण्यात आली आहे. मात्र, हे राजकीय षडयंत्र असल्याचा दावा काकडे यांनी केला असून याचा संपूर्ण छडा लागेपर्यंत आपण गप्प बसणार नाही, असं त्यांनी पत्रकार परिषदं घेऊन म्हटलं आहे. पोलिसांवर याप्रकरणी दबाव असून मुख्यमंत्री, गृहमंत्री आणि उपमुख्यमंत्र्यांनी याप्रकरणी लक्ष घालण्याची विनंतीही त्यांनी केली आहे. तसेच ज्यांनी हा कट रचला असेल त्यांच्यावर १०० कोटींचा अब्रुनुकसानीचा दावा ठोकणार असल्याचेही काकडे यांनी म्हटले आहे.