Sanjay Kakade on Baramati Loksabha: “बारामतीमध्ये सुप्रिया सुळेंचा पराभव निश्चित”, काकडेंचा विश्वास

राष्ट्रवादी काँग्रेस पक्षातील फुटीनंतर शरद पवार आणि अजित पवार या दोन्ही नेत्यांच्या पदाधिकाऱ्यांमध्ये मागील सात महिन्यांपासून दररोज आरोप प्रत्यारोप पाहण्यास मिळत आहे. या सर्व घडामोडींदरम्यान लोकसभा निवडणुकीला काहीच दिवसांचा कालावधी शिल्लक राहिला असताना अजित पवार, सुनेत्रा पवार हे बारामती लोकसभा मतदारसंघातील अनेक भागात दौरे आणि मेळावे घेत आहे. यामुळे सुप्रिया सुळे विरुद्ध सुनेत्रा पवार अशी लढत होणार असे जवळपास निश्चित मानले जात आहे. यावरून राजकीय वातावरण तापले असून सुनेत्रा पवार या बारामती लोकसभा मतदार संघातून किमान २ लाख मतांनी निवडून येतील असा अंदाज भाजपचे माजी खासदार संजय काकडे यांनी व्यक्त केला.