आगाशिवनगर येथील व्यापाऱ्याला मारण्यासाठी दहा लाखांची सुपारी दिल्याचे पोलीस तपासात समोर येत आहे. या प्रकरणात दीपक पाटीलसह चैतन्य प्रकाश पवार यास अटक झाली आहे. पुण्याच्या दोघांना अटक करण्साठी पथक रवाना झाली आहेत. सचिन रामचंद्र झेंडे यांनी अपहरण व मारहाणीची फिर्याद दिली आहे. पोलिसांनी अटक केलेला दीपक पाटील पोलिस रेकॉडवरील संशयित असून, २००९ मध्ये जिल्हा सत्र न्यायालयाच्या आवारात गुंड सल्या चेप्यावरील हल्ल्यातील सूत्रधार आहे. अभिजित व्यवहारे व अमित कोकाटे अद्यापही पोलिसांना सापडलेले नाहीत. ते दोघेही पुण्याचे आहेत. त्यांच्या तपासासाठी पोलीस पथक रवाना झाले आहे. या टोळीमागे अजून किती लोक आहेत याचा पोलीस शोध घेत आहेत. सचिन झेंडे यांचा पुणे येथील अभिजित व्यवहारे यांच्याशी परिचयातून व्यवहार झाला होता. त्यांनी एकमेकांना व्यवसायासाठी काही रकमा उसनवारीने दिल्या होत्या. त्या देवाणघेवाणीतून अपहरण व खंडणीसारखा प्रकार घडला आहे.
