होळीनिमित्त कोकणातील शिन्दी भागात जाणाऱ्या नागरिकांची संख्या लक्षात घेऊन एस.टी.च्या ठाणे विभागातर्फे  रविवार २४ मार्च पासून ठाणे ते शिन्दी अशी बससेवा सरू करण्यात येणार आहे. एसटीच्या ठाण्यातील खोपट स्थानकातून या गाडय़ा सुटणार आहेत. आरक्षण केंद्रावर या गाडय़ांचे आरक्षण प्रवाशांना करता येणार आहे. खोपट येथील मध्यवर्ती स्थानकातून रात्री ९.३० वाजता ही गाडी सुटणार आहे. ठाणे-महाड खेडमार्गे ही गाडी धावणार असून वेरळ, सवेनी, हेदली, कुळवंडी, तिसंगीफाटा, बीजघर, खोपी, शिरगाव आणि शिन्दी या मार्गावर प्रवास करणाऱ्या नागरिकांना या बससेवेचा फायदा होणार आहे. अधिकाधिक नागरिकांनी या बससेवेचा लाभ घ्यावा असे आवाहन महामंडळातर्फे करण्यात आले आहे.