प्राज इंडस्ट्रीजचे प्रमोद चौधरी यंदाच्या ‘मॅक्सेल’ जीवनगौरव पुरस्काराचे मानकरी

महाराष्ट्रातील उद्योग क्षेत्रातील दिग्गजांना हेरून सन्मानित करण्याच्या मॅक्सेल फाउंडेशनकडून आयोजित पुरस्कार सोहळ्याच्या यंदाच्या दुसऱ्या वर्षीचे मानकरी घोषित करण्यात आले आहेत. मॅक्सेल जीवनगौरव पुरस्कारासाठी प्राज इंडस्ट्रीजचे अध्यक्ष प्रमोद चौधरी यांची निवड करण्यात आली आहे.

महाराष्ट्रातील उद्योग क्षेत्रातील दिग्गजांना हेरून सन्मानित करण्याच्या मॅक्सेल फाउंडेशनकडून आयोजित पुरस्कार सोहळ्याच्या यंदाच्या दुसऱ्या वर्षीचे मानकरी घोषित करण्यात आले आहेत. मॅक्सेल जीवनगौरव पुरस्कारासाठी प्राज इंडस्ट्रीजचे अध्यक्ष प्रमोद चौधरी यांची निवड करण्यात आली आहे. त्याचप्रमाणे महाराष्ट्र ज्ञान मंडळाचे (एमकेसीएल) व्यवस्थापकीय संचालक विवेक सावंत, मनोरमा इन्फोसोल्युशन्सच्या अध्यक्षा अश्विनी दानीगोंड, गद्रे मरिन एक्स्पोर्ट्सचे प्रवर्तक दीपक गद्रे, यूएस एरोटीम, ओहायओचे मुख्य कार्याधिकारी आणि अध्यक्ष सुहास काकडे, मर्सिडिझ बेन्झ इंडियाचे संचालक सुहास कडलासकर आणि अलाहाबाद बँकेच्या अध्यक्षा व कार्यकारी संचालिका शुभलक्ष्मी पानसे हे या सोहळ्यातील अन्य पुरस्कारांचे मानकरी ठरले आहेत. मॅक्सेल फाउंडेशनचा हा पुरस्कार वितरण सोहळा रविवार, १२ मे २०१३ रोजी नरिमन पॉइंटस्थित एनसीपीएच्या जमशेद भाभा थिएटरमध्ये सायंकाळी सहा वाजता होणार आहे. कार्यक्रमाला केंद्रीय गृहमंत्री सुशीलकुमार शिंदे प्रमुख पाहुणे म्हणून उपस्थित राहणार असून, डॉ. रघुनाथ माशेलकर यांचे यानिमित्ताने बीजभाषण होईल.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Maxcell life time achivement awared to pramod chaudhari of praj industry

ताज्या बातम्या