३० जूनपासून ‘या’ राशींच्या आयुष्यात घोंघावणार संकटाचे वादळ; नोकरी, व्यवसायात येतील अडचणी अन् आर्थिक चणचण

मकर

मकर राशीच्या लोकांसाठी ग्रहण योग नकारात्मक ठरू शकतो. या काळात तुम्हाला अस्वस्थ वाटू शकते. तुम्हाला मानसिक ताणदेखील येऊ शकतो. तुमचे काही काम मध्येच थांबू शकते. तुमच्या बोलण्यातून किंवा वागण्यातून एखाद्याचा गैरसमजदेखील होऊ शकतो, ज्यामुळे नातेसंबंध बिघडू शकतात. जुना आजार पुन्हा बळावू शकतो, त्यामुळे आरोग्याची विशेष काळजी घ्यावी लागेल.

मीन

मीन राशीच्या लोकांसाठी केतू आणि चंद्राचे ग्रहण हानिकारक ठरू शकते. या काळात तुम्हाला थोडी काळजी घेण्याची आवश्यकता आहे. यावेळी तुम्हाला निद्रानाशाचा त्रास होऊ शकतो. तसेच, यावेळी प्रवास करताना थोडी सावधगिरी बाळगा. न्यायालयीन प्रकरणांमध्ये तुमची निराशा होऊ शकते. तसेच, यावेळी तुमच्या कुटुंबातील सदस्यांशी मतभेद होऊ शकतात.

कर्क

कर्क राशीच्या लोकांसाठी केतू आणि चंद्राचे ग्रहण हानिकारक ठरू शकते. यावेळी तुमचे पैसे कुठेतरी अडकू शकतात. व्यावसायिकांच्या उत्पन्नात थोडी घट होईल. अनावश्यक खर्चाचा सामना करावा लागू शकतो. यावेळी कामाच्या ठिकाणी किंवा घरी कोणाशीही वाद होऊ शकतो. आरोग्याची काळजी घेण्याची फार गरज असेल.