Guru Asta 2025: वैदिक ज्योतिषशास्त्रानुसार, देवांचा गुरु, गुरु हा सर्वात शक्तिशाली ग्रहांपैकी एक मानला जातो, जो एका वर्षात राशी बदल करतो. पण, यावर्षी गुरु दुप्पट वेगाने राशी बदल करणार आहे. यामुळे वर्षभरात तो दोन राशींतून भ्रमण करेल. सध्या गुरु मिथुन राशीत स्थित असून ऑक्टोबरपर्यंत या राशीत राहील. या काळात गुरु अस्त आणि उदय करेल. गुरु १२ जून २०२५ रोजी संध्याकाळी ७ वाजून ३८ मिनिटांनी अस्त होत आहे, जो ९ जुलैपर्यंत याच अवस्थेत राहील. या काळात काही राशींच्या लोकांना फायदे मिळू शकतात. गुरुच्या अस्ताने या राशींचे भाग्य बदलू शकते. गुरु ग्रहाच्या अस्तामुळे कोणत्या राशींना फायदा होऊ शकतो ते जाणून घेऊया.
मकर
मकर राशीच्या लोकांसाठी गुरु अस्त फलदायी ठरणार आहे. या राशीच्या लोकांच्या आर्थिक स्थितीवर सकारात्मक परिणाम दिसून येऊ शकतात. उत्पन्नाचे नवीन स्रोत खुले होऊ शकतात. यासह कर्जातूनही दिलासा मिळू शकतो. सरकारी कामात तुम्हाला खूप फायदा होऊ शकतो. त्या कामात येणाऱ्या अडचणींपासून सुटका होऊ शकते. मुलांशी संबंधित बाबींमध्ये यश मिळू शकते. आरोग्यही चांगले राहू शकते. याशिवाय तुम्ही प्रवास करून भरपूर नफा कमवू शकता. जर तुम्ही आत्मविश्वास राखलात तर तुम्ही निश्चितच यश मिळवू शकता. काही काळापासून सुरू असलेल्या समस्यांपासून तुम्हाला आराम मिळू शकेल.
कुंभ
कुंभ राशीच्या लोकांसाठी गुरु ग्रहाच्या अस्ताने अच्छे दिन येऊ शकतात. या राशीच्या लोकांना शिक्षण क्षेत्रात खूप फायदे मिळू शकतात. पण, काही अडचणी येऊ शकतात, ज्यावर तुम्हाला हिमतीने मात करायची आहे. शक्यतो कर्जाच्या भानगडीत पडू नका; जर तुम्ही योग्य ठिकाणी पैसे गुंतवले तर तुम्हाला नफा मिळू शकतो. अनावश्यक खर्चाबाबत थोडी सावधगिरी बाळगा. मुलाबद्दल काही तणाव असू शकतो.
मेष
गुरु ग्रहाच्या अस्तामुळे मेष राशीच्या लोकांना अनेक क्षेत्रात लाभ मिळू शकतो. तुमच्या आयुष्यातील नकारात्मकता हळूहळू कमी होऊ शकते. यासह तुमचे भाऊ-बहिणींशी असलेले संबंध सुधारतील. सकारात्मक विचारसरणीने पुढे जाल. तुम्ही अनेक क्षेत्रात प्रचंड यश मिळवू शकता. तुम्हाला नशिबाची साथ मिळू शकते. यासोबतच जीवनात अनुकूल परिणाम दिसणार आहेत.
