अंतर्गत सुरक्षेसंदर्भात केंद्रीय गृह सचिवांकडून मोदींना माहिती

– केंद्रीय गृह सचिव अनिल गोस्वामी यांनी नरेंद्र मोदी यांची भेट घेऊन त्यांना देशांतर्गत सुरक्षेची माहिती दिली. जम्मू-काश्मीर, ईशान्य भारत आणि नक्षलग्रस्त भागात सुरक्षेचे कोणते उपाय योजण्यात आले आहेत. दहशतवादी हल्ले रोखण्यासाठी काय उपाययोजना करण्यात आल्या आहेत, याची माहिती गोस्वामी यांनी मोदी यांना दिली.
– भाजपच्या नेत्या सुषमा स्वराज यांनी गुजरात भवनमध्ये घेतली नरेंद्र मोदींची भेट. पक्षाध्यक्ष राजनाथ सिंह यांच्या भेटीनंतर सुषमा स्वराज तातडीने मोदींच्या भेटीसाठी गुजरात भवनमध्ये दाखल झाल्या.
– वायएसआर कॉंग्रेसचे प्रमुख जगनमोहन रेड्डी त्यांनीही मोदींची भेट घेतली
– मोदी मंगळवारी सत्ता स्थापनेसाठी दावा करण्याची शक्यता
– अमित शाह आणि अरूण जेटलींनी घेतली नरेंद्र मोदींची भेट, संभाव्य मंत्रिमंडळातील नावांवर चर्चा झाल्याची सूत्रांची माहिती
– मंत्रिमंडळात वर्णी लागावी, यासाठी भाजपचे काही खासदार संघाच्या दारी; राष्ट्रीय स्वयंसेवक संघाच्या दिल्लीतील कार्यालयात गाठीभेटी
– उत्तर प्रदेशचे माजी मुख्यमंत्री कल्याणसिंह यांनीही घेतली नरेंद्र मोदींची भेट
– गोपीनाथ मुंडे यांनी घेतली राजनाथसिंह यांची भेट
– शिवसेनेचे सर्व खासदार आज दिल्लीकडे
– उद्धव ठाकरे मंगळवारी नरेंद्र मोदींची भेट घेणार; राष्ट्रीय लोकशाही आघाडीच्या बैठकीसाठी उद्धव ठाकरे दिल्लीला जाणार
– राष्ट्रीय लोकशाही आघाडीची मंगळवारी नवी दिल्लीत बैठक; बैठकीत पुढील सरकारसंदर्भात चर्चा होणार
– राजधानी दिल्लीमध्ये गृहसचिव आणि स्पेशल प्रोटेक्शन ग्रुपच्या प्रमुखानी गुजरात भवनमध्ये नरेंद्र मोदींची भेट घेतली

First Published on May 19, 2014 11:43 am