News Flash

कुपवाडा येथे चकमकीत दहशतवाद्याचा खात्मा; एक जवान शहीद

कारवाई अद्यापही सुरुच

संग्रहित छायाचित्र.

जम्मू-काश्मीरच्या कुपवाडा जिल्ह्यातील केरन सेक्टरमध्ये सुरक्षा रक्षक आणि दहशतवाद्यांमध्ये झालेल्या चकमकीत एका दहशतवाद्याचा खात्मा करण्यात आला. यात एका जवानाला वीरमरण आले, तर इतर दोन जवान गंभीर जखमी झाले आहेत. नियंत्रण रेषेजवळील केरन सेक्टरमधील चोकेन चौकीजवर बुधवारी सकाळी साडेसात वाजल्यापासून ही चकमक सुरु झाली ती अद्यापही सुरु असल्याचे सूत्रांकडून कळते.


सीमारेषेजवळ दहशतवादी कारवायांमध्ये वाढ झाली असून कालच जम्मू-काश्मीरच्या हंदवाडा भागात सुरक्षारक्षकांनी तीन दहशतवाद्यांना कंठस्नान घातले होते. हे तिन्ही दहशतवादी लष्कर-ए-तोयबा या दहशतवादी संघटनेचे सदस्य होते. तसेच ते पाकिस्तानी नागरिक असल्याचेही उघड झाले आहे.


हंदवाड्यातील मगम परिसरात हे दहशतवादी लपून बसल्याची माहिती सुरक्षा दलांना मिळाली होती. यानुसार सुरक्षा दलांनी परिसरात शोधमोहीम राबवली. दहशतवाद्यांनी सुरक्षा दलांवर गोळीबार केला. तर सुरक्षा दलांनीही दहशतवाद्यांना चोख प्रत्युत्तर दिले. या चकमकीत ३ दहशतवाद्यांना कंठस्नान घालण्यात आले. जम्मू- काश्मीरचे पोलीस महासंचालक एस पी वैद यांनी ट्विटरवरुन सुरक्षा दलाच्या या कामगिरी कौतुक केले होते.

गेल्या आठवड्यातही सुरक्षा दलांनी २६/११ च्या मुंबई हल्ल्याचा सूत्रधार झाकिर उर रहमान लख्वी याच्या पुतण्यासह लष्कर- ए- तोयबाच्या सहा दहशतवाद्यांना चकमकीत ठार केले होते. यात हवाई दलाच्या गरुड कमांडो पथकातील एक जवान शहीद झाला होता. हाजिन येथे ही कारवाई करण्यात आली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 22, 2017 4:19 pm

Web Title: encounter between security forces and terrorists underway in keran sector of kupwara district one army jawan has lost his life
Next Stories
1 राममंदिर प्रकरणात पाकिस्तानकडून अडथळे: शिया वक्फ बोर्ड
2 संसदेच्या हिवाळी अधिवेशनाला १५ डिसेंबरपासून सुरुवात- सूत्र
3 Brahmos: भारताने घडवला इतिहास; सुखोई जेट विमानातून ब्राह्मोस क्षेपणास्त्राची यशस्वी चाचणी
Just Now!
X