करोना व्हायरसवर जगभरात मोठया प्रमाणावर संशोधन सुरु आहे. या व्हायरसची उत्पत्ती कशी झाली? त्यावर कुठली लस, औषध प्रभावी ठरेल? यावर जगभरातील प्रयोगशाळांमध्ये वेगवेगळे प्रयोग सुरु आहेत. यामध्ये भारतातील जीबीआरसीने Covid-19 संदर्भात महत्वाची माहिती शोधून काढली आहे. Covid-19 वरील संशोधनात गुजरात बायोटेक्नोलॉजी रिसर्च सेंटरच्या वैज्ञानिकांना महत्वाची माहिती मिळाली आहे. त्यांनी Covid-19 विषाणूच्या जीनोम साखळीची माहिती मिळवली आहे. भविष्यातील संशोधनाच्या दृष्टीने ही माहिती अत्यंत महत्वपूर्ण ठरु शकते. Gujarat is proud of scientists at Gujarat Biotechnology Research Centre (GBRC), the only State Govt laboratory in India that has reported COVID19 whole genome sequence which will be helpful in tracking origin, drug targets, vaccine & association with virulence.#IndiaFightsCorona — CMO Gujarat (@CMOGuj) April 15, 2020 जीनोम साखळीमुळे Covid-19 विषाणूची उत्पत्ती कशी झाली, त्यावर कुठले औषध किंवा लस बनवता येईल आणि हा विषाणू कितपत त्रासदायक ठरु शकतो या संशोधनामध्ये भविष्यात मदत होईल. गुजरातचे मुख्यमंत्री विजय रुपानी यांनी या संशोधनाबद्दल गुजरात बायोटेक्नोलॉजी रिसर्च सेंटरच्या वैज्ञानिकांचे कौतुक केले आहे. आम्हाला तुमचा अभिमान वाटतो असे टि्वटमध्ये रुपानी यांनी म्हटले आहे.