News Flash

खोट्या व्हॉट्सअॅप मेसेजमुळे तरुणीचं तुटलं लग्न, केरळमधून तरुणाला अटक

व्हॉट्सअॅपवरून फॉरवर्ड केलेला एक खोटा मेसेज एका तरूणीचं लग्न तुटण्यास कारणीभूत ठरला आहे. याप्रकरणी केरळ पोलिसांनी शिहाब (वय -35) या तरूणाला अटक केली आहे.

व्हॉट्सअॅपवरून फॉरवर्ड केलेला खोटा मेसेज केरळमधील एका तरुणीचं लग्न तुटण्यास कारणीभूत ठरला आहे. याप्रकरणी पोलिसांनी शिहाब (वय -35) या तरुणाला अटक केली आहे. तरुणीच्या फोटोचा गैरवापर करून सोशल मीडियावर व्हायरल केल्याप्रकरणी पोलिसांनी त्याला अटक केली आहे.

गेल्या आठवड्यात संबंधीत तरुणी तिच्या एका मित्रासोबत बस स्टॉपवर बोलत उभी होती. त्यावेळी आरोपीने तिचा लपून फोटो काढला. या फोटोसोबत त्याने ऑडिओ क्लिप रेकॉर्ड करून व्हायरल केली. ही तरुणी या मुलासोबत पळून जाण्याचा कट रचत आहे अशा आशयाची ही ऑडिओ क्लिप होती. त्यानंतर आरोपीने हा मेसेज तरुणीच्या घरच्यांनाही पाठवला आणि यामध्ये हस्तक्षेप करण्यास सांगितलं.

thenewsminute.com ने दिलेल्या वृत्तानुसार, केरळमधून व्हायरल झालेला हा मेसेज लवकरच इतर देशांमध्ये पोहोचला. ज्या तरुणासोबत त्या तरुणीचं लग्न ठरलं होतं त्याच्याकडेही हा मेसेज पोहोचला आणि त्यानंतर त्याने लग्न तोडण्याचा निर्णय घेतला. यानंतर संबंधीत तरुणीने पोलीस तक्रार करण्याचा निर्णय घेतला. तक्रारीनंतर अखेर शनिवारी पोलिसांनी तरुणाला बेड्या घातल्या.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 9, 2018 11:12 am

Web Title: man arrested for sending fake whatsapp message which stopped womens marriage
Next Stories
1 ….तर ते ७० भटके कुत्रे कोट्यधीश होतील
2 घरात घुसून टीव्ही पत्रकारावर झाडली गोळी , हल्लेखोर फरार
3 देशात केवळ 6 विमानतळांवरच बॉम्ब निष्क्रीय करणं शक्य !
Just Now!
X