प्रदूषणाच्या मुद्द्यावरुन तामिळनाडूतील तुतिकोरिन येथे वेदांतच्या स्टरलाइट कॉपर प्रकल्पाविरोधात सुरु असलेले आंदोलन चिघळले आहे. बुधवारी देखील या भागात आंदोलनाला हिंसक वळण लागले असून पोलिसांनी केलेल्या गोळीबारात एकाचा मृत्यू झाला आहे. गेल्या दोन दिवसांमध्ये या आंदोलनात १२ जणांना जीव गमवावा लागला आहे.
तुतिकोरिन येथे वेदांतच्या स्टरलाइट कॉपर प्रकल्पाविरोधात गेले महिनाभर आंदोलन सुरु आहे. या आंदोलनाला मंगळवारी हिंसक वळण लागले. निदर्शकांना पांगवण्यासाठी पोलिसांनी गोळीबार केला. या गोळीबारात ११ जण ठार झाले होते. तर २० जण जखमी झाले होते. बुधवारी या भागात कडेकोट बंदोबस्त होता. मद्रास हायकोर्टानेही प्रकल्पाच्या विस्तारास स्थगिती दिली. पण स्थानिकांमधील असंतोष कमी झाल्याचे दिसत नाही.
बुधवारी दुपारी पुन्हा एकदा आंदोलनाला हिंसक वळण लागले. जमावाला पांगवण्यासाठी पोलिसांनी गोळीबार केला असून यात एकाचा मृत्यू झाला. तर तीन जण जखमी झाले आहेत.
#SterliteProtests: One person dead, 3 injured in fresh violence at Anna Nagar in #Thoothukudi pic.twitter.com/SJS3fFgTaI
— ANI (@ANI) May 23, 2018
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on May 23, 2018 4:19 pm
