केरळमध्ये अर्जेंटिनाचा दिग्गज फुटबॉलपटू लिओनेल मेसीच्या चाहत्याचा मृतदेह सापडल्याने खळबळ उडाली आहे. त्याने आत्महत्या केल्याची शक्यता पोलिसांनी वर्तवली आहे. फिपा फिफा वर्ल्ड कपमध्ये अर्जेंटिनाच्या पराभवामुळे आणि मेसीच्या खराब कामगिरीमुळे तो निराश होता. गुरूवारी क्रोएशियाविरुद्ध अर्जेंटिनाचा 3-0 असा पराभव झाल्यानंतर तो बेपत्ता झाला होता. त्यावेळी एक सुसाइड नोट सोडून बेपत्ता झाला होता. Kerala: Dinu Joseph, 30-year-old fan of Argentina captain Lionel Messi went missing on June 21,, hours after Argentina's 3-0 loss to Croatia in 2018 FIFA World Cup. He has now been found dead near Illikkal Bridge in Kottayam— ANI (@ANI) June 24, 2018 मिळालेल्या माहितीनुसार, बिनु एलेक्स (30) असं मृत तरुणाचं नाव आहे. क्रोएशियाविरोधात अर्जेंटिनाचा पराभव झाल्यापासून तो बेपत्ता होता. एक सुसाइड नोट सोडून तो बेपत्ता झाला होता. जगामध्ये बघण्यासाठी किंवा वाट पाहण्यासाठी काहीही बाकी राहिलेलं नाही असं त्याने सुसाइड नोटमध्ये म्हटलं होतं. ते बेपत्ता झाल्यची तक्रार कुटुंबियांनी पोलिसांकडे केली होती. त्यानंतर त्याचा शोध घेण्यासाठी शोधमोहिम राबवण्यात आली. त्याने नदीत उडी मारल्याची शक्यता वर्तवली जात होती. अखेर कोट्टायम येथील इल्लीकाल ब्रिजजवळ त्याचा मृतदेह सापडला आहे. पोलीस या प्रखरणी आणखी तपास करत आहेत. त्याच्या मोबाइलमध्ये नेहती मेसीचे फोटो असायटे तसंच वर्ल्डकपचे सामने पाहण्यासाठी त्याने मेसीची जर्सीही खरेदी केली होती.