श्रीनिवासन मुद्द्यावरून बीसीसीआय पुन्हा सर्वोच्च न्यायालयात

श्रीनिवासन यांना बीसीसीआयच्या अध्यक्षपदाची निवडणूक लढविण्यास बंदी घातली आहे

भारतीय क्रिकेट नियामक मंडळाने राबवलेले स्वच्छता अभियान

भारतीय क्रिकेट नियामक मंडळाच्या सर्वसाधारण सभेमध्ये तामिळनाडू क्रिकेट संघटनेचे अध्यक्ष म्हणून एन. श्रीनिवासन सहभाग घेऊ शकतात का, यावर कायदेशीर स्पष्टता द्यावी, या मागणीसाठी करण्यात आलेली बीसीसीआयची याचिका सर्वोच्च न्यायालयाने शुक्रवारी दाखल करून घेतली. त्यावर लवकरच सुनावणी घेण्यात येईल, असे न्यायमूर्ती टी. एस. ठाकूर यांच्या नेतृत्त्वाखालील खंडपीठाने म्हटले आहे.
याचिकेवर लवकरात लवकर सुनावणी घ्यावी, अशी मागणी बीसीसीआयचे वकील के. के. वेणूगोपाल यांनी न्यायालयाकडे केली. २२ जानेवारी रोजी दिलेल्या आदेशात सर्वोच्च न्यायालयाने एन. श्रीनिवासन यांना बीसीसीआयच्या अध्यक्षपदाची निवडणूक लढविण्यास बंदी घातली आहे. चेन्नई सुपरकिंग्जची मालकी श्रीनिवासन यांच्याकडे असल्यामुळे त्यांच्यावर ही बंदी घालण्यात आली आहे. या बंदीच्या पार्श्वभूमीवर श्रीनिवासन यांनी बीसीसीआयच्या बैठकीला उपस्थित राहता येईल की नाही, याबाबत कायदेशीर स्पष्टता द्यावी, अशी मागणी करण्यात आली आहे. २८ ऑगस्ट रोजी बीसीसीआयच्या महत्त्वपूर्ण बैठक झाली. या बैठकीतील श्रीनिवासन यांच्या उपस्थितीवरून अनेक सदस्यांनी आक्षेप घेतले होते. त्यामुळे ही बैठकच तहकूब करण्यात आली होती.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Sc to hear bccis plea seeking clarification on srinivasan

ताज्या बातम्या