MCD exit poll: ‘आप’ली दिल्ली! महापालिका निवडणुकीत ‘आप’चा वरचष्मा; भाजपाला धक्का, काँग्रेस नगण्य

तत्पूर्वी, या निवडणुकीचा एक्झीट पोल समोर आला असून आम आदमी पार्टीने भाजपासह काँग्रेसला जोरदार धक्का दिल्याचं चित्र आहे. ‘इंडिया टुडे’साठी ‘अॅक्सिस माय इंडिया’ने केलेल्या सर्वेक्षणानुसार, दिल्ली महापालिका निवडणुकीत आम आदमी पार्टीला ४३ टक्के मतदान झालं असून १४९ ते १७१ जागांवर ‘आप’चा उमेदवार निवडून येण्याची शक्यता आहे. त्यामुळे दिल्ली महापालिकेची एकहाती सत्ता आम आदमी पार्टीकडे जाण्याची शक्यता आहे.

हेही वाचा- Gujarat Election Exit Polls : भाजपा, काँग्रेस की आप? गुजरातमध्ये कोण बाजी मारणार, कोणाला किती जागा? वाचा एक्झिट पोल…

या निवडणुकीत भाजपाला ३५ टक्के मतदान झालं असून ६९ ते ९१ जागांवर भाजपा विजयी होण्याची शक्यता आहे. गेल्या निवडणुकीच्या तुलनेत भाजपाने आपला मतदार कायम राखला आहे. मात्र, दिल्लीत काँग्रेसचं प्रचंड नुकसान झाल्याचं चित्र आहे. काँग्रेसला १० टक्के मतदान झालं असून ३ ते ७ जागांवर काँग्रेसचे उमेदवार निवडून येण्याची शक्यता आहे.