राष्ट्रवादी काँग्रेसचे नेते छगन भुजबळ आणि शिवसेनेचे हेमंत गोडसे यांची भेट झाली. यावेळी हेमंत गोडसे छगन भुजबळांच्या पाया पडले. रामनवमीनिमित्त दोन्ही नेते नाशिकच्या काळाराम मंदिरात समोरासमोर आले. त्यावेळी छगन भुजबळ आणि हेमंत गोडसेंची भेट झाली. महायुतीत असलेले हो दोन्ही नेते नाशिकमधून उमेदवारीसाठी इच्छुक आहेत. मात्र नाशिकच्या जागेचा तिढा सुटलेला नाही. अशात ही भेट आणि हेमंत गोडसेंनी भुजबळांना नमस्कार करणं सूचक मानलं जातं आहे. आता नाशिकमधून लोकसभेचं तिकिट कुणाला मिळणार याच्या चर्चा पुन्हा एकदा रंगल्या आहेत.

नाशिकच्या काळाराम मंदिरात भेट

नाशिकच्या काळाराम मंदिरात राष्ट्रवादीचे नेते छगन भुजबळ यांची भेट झाली तेव्हा भुजबळांना समोर पाहताच हेमंत गोडसेंनी त्यांना वाकून नमस्कार केला. रामनवमीच्या निमित्ताने काळाराम मंदिरात दर्शन घेऊन निघाले होते. त्यावेळी या दोन नेत्यांची भेट झाली. छगन भुजबळांच्या पाया पाडून हेमंत गोडसेंनी आशीर्वाद घेतल्याने अनेकांच्या भुवया उंचावल्या आहेत.

Gajanan Kirtikar Eknath Shinde (1)
“त्यांनी शिंदेंना सलाम ठोकणं मला पटलं नाही”, पत्नीच्या वक्तव्यावर गजानन कीर्तिकर म्हणाले, “माझ्यावर…”
shrirang barne allegations on ncp marathi news
मावळमध्ये निकालापूर्वीच महायुतीत वादाची ठिणगी; खासदार श्रीरंग बारणेंचा अजितदादांच्या राष्ट्रवादीवर आरोप, म्हणाले…
sanjay raut raj thackeray (1)
“राज ठाकरे चोरीच्या मालाचं चुंबन घेतायत”, संजय राऊतांची टीका; म्हणाले, “उद्धव ठाकरे काँग्रेसच्या…”
samarjit singh
कर्ता पुरुषच गेला,आता आम्हाला आधार कुणाचा? लोकरेंच्या पत्नी, मातेच्या आक्रोशाने समरजितसिंह घाटगेंसह नातेवाईक गलबलले
amit shah
“राम मंदिरानंतर आता माता सीतेचे भव्य मंदिर उभारणार”; अमित शाह यांचे आश्वासन; म्हणाले, “जे लोक रामापासून दूर जातात…”
Avinash jadhav
“एका अब्जाधीश गोल्ड माफियाला…”, खंडणीचा गुन्हा दाखल झाल्यानंतर अविनाश जाधवांचा मोठा दावा; म्हणाले…
ajit pawar narendra modi
नरेंद्र मोदींच्या शरद पवारांवरील ‘अतृप्त आत्मा’ टीकेवर अजित पवार म्हणाले, “मी पुढच्या सभेत मोदींनाच…”
rohit pawar on devendra fadnavis god gift statement
“देवेंद्र फडणवीस ज्याला आशीर्वाद म्हणतात, तो आशीर्वाद नसून…” रोहित पवारांची खोचक टीका!

हेमंत गोडसेंनी काय म्हटलं आहे?

छगन भुजबळांच्या पाया पडल्यानंतर हेमंत गोडसेंनी माध्यमांशी संवाद साधला. “मराठी संस्कृतीत ज्येष्ठांचे आशीर्वाद घेण्याची पद्धत आहे. आज प्रभू रामाचं दर्शन घेतल्यानंतर मला छगन भुजबळ भेटले. त्यामुळे मी त्यांचे आशीर्वाद घेतले. मी छगन भुजबळांचे आशीर्वाद का घेतले ते प्रभू रामचंद्रांना माहीत आहे. उमेदवारीची संधी मिळावी म्हणून रामरायाकडे प्रार्थना केली असंही गोडसे यांनी म्हटलं आहे. एक ते दोन दिवसांत नाशिकचा निर्णय जाहीर होईल. मी दहा वर्षे खासदार आहे त्यामुळे नाशिकमध्ये पुन्हा धनुष्यबाणच येईल असंही गोडसेंनी म्हटलं आहे.

हे पण वाचा- “नाशिकमधून महायुतीतर्फे तुम्ही उभे राहा, असे मला सांगण्यात आले,” छगन भुजबळ यांची माहिती; म्हणाले, “आता उमेदवारीचा मुद्दा…”

महायुतीमध्ये नाशिक लोकसभेची जागा राष्ट्रवादी काँग्रेस पक्षाला मिळेल, अशी राजकीय वर्तुळात चर्चा आहे. तर, ठाणे लोकसभेची जागा ही भाजपने मागितली आहे. लोकसभेच्या दोन महत्त्वाच्या शिवसेनेच्या खासदार असणाऱ्या जागा भाजप आणि राष्ट्रवादीने मागितल्यामुळे शिवसेनेत नाराजी आहे. एकीकडे राष्ट्रवादी काँग्रेस पक्षाचा जागा मिळवण्यासाठी भाजप शिवसेनेवर दबाव दुसरीकडे एकनाथ शिंदे यांचा ठाणे आणि नाशिक जागा आपल्याकडेच राहावी, यासाठी इतर दोघांवर दबाव यासाठी भाजपचा आपल्या इतर दोन मित्र पक्षांवर दबाव पाहिला मिळतो आहे.