Video : दुहेरी धाव घेताना हैदराबादच्या खेळाडूंची मैदानात टक्कर, विकेटही गमावली

बंगळुरुची १० धावांनी सामन्यात बाजी

दुबईच्या मैदानावर रंगलेल्या सनराईजर्स हैदराबाद विरुद्ध रॉयल चॅलेंजर्स बंगळुरु सामन्यात बंगळुरुने १० धावांनी बाजी मारली. युजवेंद्र चहलने एकाच षटकात बेअरस्टो आणि विजय शंकर यांना माघारी धाडलं आणि सामन्याचं पारडं एका क्षणात RCB च्या दिशेने झुकलं. यानंतर हैदराबादचा मधल्या फळीतला एकही फलंदाज बंगळुरुच्या माऱ्यासमोर तग धरु शकला नाही. विजयासाठी अवघ्या ३० धावांची गरज असताना मैदानात एक अपघात घडला ज्याचा फटका पुन्हा एकदा हैदराबादलाच बसला.

अवश्य वाचा – Video : फॅन्सी शॉट खेळायला गेलेला प्रियम गर्ग फसला, हेल्मेटला लागून बॉल थेट स्टम्पवर

शिवम दुबेच्या गोलंदाजीवर युवा खेळाडू अभिषेक शर्माने एक फटका खेळला. यावेळी नॉन स्ट्राईक एंडवर उभ्या असलेल्या राशिद खानने एक धाव पूर्ण केली. मात्र दुसरी धाव घेण्यासाठी परत येत असताना दोन्ही खेळाडूंमध्ये ताळमेळ दिसला नाही. धाव पूर्ण करण्याच्या नादात दोन्ही फलंदाजांची जोरात टक्कर झाली आणि ज्यात अभिषेकला आपली विकेट गमवावी लागली. पाहा हा व्हिडीओ…

बेअरस्टो आणि मनिष पांडे या जोडीने आश्वासक भागीदारी करत संघाला विजयपथावर आणून ठेवलं होतं. बेअरस्टोने फटकेबाजी करत अर्धशतकही झळकावलं. मात्र अखेरच्या फळीतील फलंदाजांनी केलेल्या हाराकिरीचा फटका हैदराबादला बसला.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व आयपीएल २०२० बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Ipl 2020 srh batsman dashed while running psd

Next Story
IPL 2020 साठी रवाना झालेल्या खेळाडूंना BCCIची ‘वॉर्निंग’
ताज्या बातम्या