कोल्हापूर : अजित पवार यांच्या कोल्हापुरातील सभेला लाखाच्या उपस्थितीचा दावा; दोन दिवसांतच आकड्यात दुपटीने भर

हेही वाचा >>> कोल्हापूर : रक्षाबंधनदिनी चिमुकल्या भावाचा मृत्यू

अजित पवार यांची उपमुख्यमंत्री पदी निवड झाल्याबद्दल सत्कार आणि उत्तरदायित्व सभा येथील तपोवन मैदान येथे होणार आहे.  ही सभा शरद पवार यांच्या सभेला उत्तर देण्यासाठी नाही तर सरकारचे काम लोकांपर्यंत पोहोचवण्यासाठी आहे, असे सभेचे संयोजक वैद्यकीय शिक्षण मंत्री हसन मुश्रीफ यांनी सांगितले होते. त्या दृष्टीने सभेची तयारी सुरू झाली आहे.

हेही वाचा >>> कोल्हापुरात अंबाबाई देवीचे दर्शन गाभाऱ्यातून सुरू; भाविकांना राखी पौर्णिमेची भेट

आज राष्ट्रवादी काँग्रेसच्या अजितदादा गटाच्या पदाधिकाऱ्यांनी तपोवन मैदान येथे सभेची पूर्वतयारी व नियोजनाची पाहणी केली. यावेळी जिल्हा बँकेचे संचालक प्रताप माने म्हणाले, या सभेला राष्ट्रवादी काँग्रेसचे राष्ट्रीय कार्याध्यक्ष खासदार प्रफुल पटेल, तसेच हसन मुश्रीफ, छगन भुजबळ, दिलीप वळसे- पाटील,  धनंजय मुंडे, आदिती तटकरे अनिल पाटील, धर्मराव आत्राम, संजय बनसोडे आदी मंत्री , महिला प्रदेशाध्यक्ष रुपाली चाकणकर उपस्थित राहणार आहेत. यावेळी गोकुळ दूध संघाचे संचालक नवीद मुश्रीफ,  स्थायी समितीचे माजी सभापती राजु लाटकर, जिल्हा बँकेचे संचालक बाबासाहेब पाटील-आसुर्लेकर, राष्ट्रवादीचे शहराध्यक्ष आदिल फरास, जिल्हा कार्याध्यक्ष अनिल साळोखे, पदाधिकारी उपस्थित होते.