29 March 2020

News Flash

विनाकारण रस्त्यावर भटकणाऱ्यांसाठी सचिनचा खास संदेश, म्हणाला…

लॉकडाउन काळातही काही लोक भागवतायत भटकंतीची हौस

करोना व्हायरसच्या तडाख्यामुळे सध्या जगभरात भीतीचे वातावरण आहे. लाखो लोकांना करोना व्हायरसचा फटका बसला आहे. प्रत्येक देश आपापल्या परीने या व्हायरसशी झुंज देत आहे. विविध उपाययोजना करण्यात येत आहेत. डॉक्टर आणि रूग्णालयातील इतर सहकाऱ्यांच्या अथक परिश्रमामुळे जवळपास लाखभर लोक करोनातून पूर्णपणे बरे झाले असल्याची माहिती आहे. त्यातच पंतप्रधान नरेंद्र मोदी यांनी मंगळवारी अखेर संपूर्ण लॉकडाउनची घोषणा केली.

‘हम तुम एक कमरे में बंद हो’… पाहा हार्दिक-नताशाचा ‘लॉकडाउन’ स्पेशल फोटो

राज्यासह देशभरात लॉकडाऊन जारी केला गेला, तरीही नागरिकांकडून त्याचे अद्याप गांभिर्याने पालन करण्यात येत नसल्याचे दिसते आहे. काही ठिकाणी कलम १४४ लावूनही त्याचा सर्रास भंग केला जात आहे. त्यामुळे आता पोलिसही आक्रमक झाले असून विनाकारण बाहेर पडणाऱ्यांना ते दंडुकाचा चोप देताना दिसत आहेत. त्यामुळे अशा विनाकारण घराबाहेर भटकणाऱ्यांसाठी मास्टर ब्लास्टर सचिनने एक संदेश दिला आहे. मी देखील २१ दिवस माझ्या कुटुंबासह घरात बसलो आहे. सरकारच्या विनंतीला मान द्या आणि तुम्हीही घरातच राहा, असे ट्विट त्याने केले आहे.

दरम्यान, आता मुख्यमंत्री उद्धव ठाकरे यांनी बाहेर पडणाऱ्या ‘लोकांशी सौम्यपणे वागा, त्यांच्यावर थेट लाठीमार करू नका’, असे निर्देश राज्य पोलीस आणि शहर पोलिसांना दिले आहेत. करोनाचा फैलाव रोखण्यासाठी राज्य सरकारकडून अनेक उपाय करण्यात आले आहेत, तसेच निर्बंधदेखील लादण्यात आले आहेत. राज्यात संचारबंदी लागू करून या काळात कुणीही घराबाहेर पडू नका, असे आदेशही देण्यात आले आहेत. मात्र, तरीही काही लोक विनाकारण घराबाहेर पडत आहेत. त्यामुळे अखेर पोलीस यंत्रणेला या लोकांना दंडुकांचा प्रसाद देणे भाग पडते आहे. याबाबतचे काही व्हिडीओही व्हायरल झाले आहेत. याबाबत राज्याचे मुख्य सचिव अजॉय मेहता यांनी मुख्यमंत्र्यांना माहिती दिली. त्यानंतर मुख्यमंत्र्यांनी परिस्थिती सौम्यपणे हाताळण्याचे आदेश पोलिसांना दिले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 26, 2020 10:19 am

Web Title: coronavirus outbreak pm modi lockdown sachin tendulkar message to mumbaikars who are roaming around without reason vjb 91
Next Stories
1 ‘हम तुम एक कमरे में बंद हो’… पाहा हार्दिक-नताशाचा ‘लॉकडाउन’ स्पेशल फोटो
2 आयपीएल रद्द होण्याच्या मार्गावर?
3 टोक्यो ऑलिम्पिकच्या नव्या तारखेसाठी सर्व पर्याय खुले
Just Now!
X