IND vs AUS : पहिल्या वन-डे सामन्याआधी भारताच्या गोटात चिंता, सरावादरम्यान धोनीला दुखापत - Marathi News | Ind Vs Aus Ms Dhoni Suffers Injury Scare At Net Sessions Ahead Of 1st Odi

संघ व्यवस्थापनाकडून दुखापतीबद्दल स्पष्टीकरण नाही

ऑस्ट्रेलियाविरुद्ध दोन टी-20 सामन्यांच्या मालिकेत पराभव स्विकारावा लागल्यानंतर, भारत ऑस्ट्रेलियाविरुद्ध वन-डे सामन्याची मालिका खेळण्यासाठी सज्ज झाला आहे. शनिवारी हैदराबादच्या मैदानावर हा पहिला सामना खेळवण्यात येईल. मात्र या सामन्याआधीच भारतीय गोटामध्ये चिंतेच वातावरण पसरलं आहे. संघाचा यष्टीरक्षक महेंद्रसिंह धोनी नेट्समध्ये सराव करत असताना दुखापतग्रस्त झाल्याचं समजत आहे. सरावादरम्यान धोनीच्या हाताला दुखापत झाल्याची माहिती पीटीआय या वृत्तसंस्थेने दिली आहे.

मिळालेल्या माहितीनुसार धोनीने सर्वप्रथम नेट्समध्ये फलंदाजीचा सराव करण्यावर भर दिला. यावेळी एक चेंडू अनपेक्षितपणे उसळी घेऊन धोनीच्या हातावर आदळला. या घटनेनंतर धोनी दुखापतीमुळे त्रस्त दिसत होता, यानंतर त्याने सराव थांबवण पसंत केलं. धोनीला झालेली दुखापत गंभीर आहे की नाही यावर संघ व्यवस्थापनाने अजुनही स्पष्टीकरण दिलेलं नाहीये.

First published on: 01-03-2019 at 15:07 IST

TOPICSबीसीसीआय BCCI महेंद्रसिंग धोनी Mahendra Singh Dhoni

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs aus ms dhoni suffers injury scare at net sessions ahead of 1st odi