News Flash

IPL २०२१ : म्हणूनच ‘सर’ रवींद्र जडेजा..एका षटकात कुटल्या ३७ धावा!

IPL २०२१मध्ये सर्वाधिक बळी घेणाऱ्या हर्षल पटेलची जडेजाकडून धुलाई

रवींद्र जडेजा

मुंबईच्या वानखेडे मैदानावर सुरू असणाऱ्या रॉयल चॅलेंजर्स बंगळुरूविरुद्धच्या सामन्यात चेन्नई सुपर किंग्जच्या रवींद्र जडेजाने खळबळ उडवून दिली आहे. यंदाच्या लीगमध्ये सर्वाधिक बळी घेणाऱ्या हर्षल पटेलची जडेजाने चांगलीच धुलाई केली. शून्यावर जीवदान लाभलेल्या जडेजाने २०व्या षटकात ३७ धावा कुटल्या.

 

या सामन्यात जडेजाने २८ चेंडूत ५ षटकार आणि ४ चौकारांसह नाबाद ६२ धावांची खेळी केली. बंगळुरूचा गोलंदाज हर्षल पटेलने आयपीएलच्या इतिहासातील सर्वात महागडे षटक टाकणाऱ्या प्रशांत परमेश्वरनशी बरोबरी साधली. यापूर्वी बंगळुरूकडून खेळणाऱ्या ख्रिस गेलने पुणे वॉरियर्सच्या परमेश्वरनला एका षटकात ३७ धावा कुटल्या होत्या.

 

चेन्नईचे बंगळुरूला १९२ धावांचे आव्हान

रवींद्र जडेजाच्या वादळी खेळीमुळे चेन्नईने बंगळुरुसमोर विजयासाठी १९२ धावांचे लक्ष्य ठेवले आहे. चेन्नईने ४ गडी गमवून १९१ धावा केल्या. त्यात फाफ आणि जडेजाचे अर्धशतक समाविष्ट आहे. जडेजा शून्यावर असताना बंगळुरूच्या डॅनियल ख्रिश्चनने त्याचा झेल सोडला होता. सामन्यात तीन गडी मिळवूनही हर्षल पटेल हतबल झाल्याचे दिसून आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 25, 2021 5:54 pm

Web Title: ipl 2021 csk all rounder ravindra jadeja smashes 37 runs in last over against rcb adn 96
Next Stories
1 CSK vs RCB : IPLमध्ये सुरेश रैनाचे ‘खास’ द्विशतक!
2 IPL २०२१ दरम्यान हैदराबादच्या माजी क्रिकेटपटूचे निधन
3 CSK vs RCB: चेन्नईच्या धोनी ब्रिगेडनं विराटसेनेचा विजयरथ रोखला
Just Now!
X