scorecardresearch

Premium

IND vs AUS, World Cup 2023: शानदार इनिंग खेळूनही विराट दिसला नाराज, कपाळावर मारुन घेतानाचा VIDEO व्हायरल

IND vs AUS Match, World Cup 2023: विराट कोहलीने ऑस्ट्रेलियाविरुद्ध ११६ चेंडूत ६ चौकारांच्या मदतीने ८५ धावांची अप्रतिम खेळी केली. या खेळीनंतरही विराट कोहली निराश दिसून आला. त्याचा व्हिडीओ सोशल मीडियावर व्हायरल झाला आहे.

India vs Australia Cricket Score Updates in Marathi
शानदार इनिंग खेळूनही विराट दिसला नाराज (फोटो-लोकसत्ता ग्राफिक्स टीम)

World Cup 2023, India vs Australia Match Updates: एकदिवसीय विश्वचषक २०२३ मधील पहिल्या सामन्यातभारताने ऑस्ट्रेलियाचा सहा गडी राखून पराभव केला आहे. ऑस्ट्रेलियाने नाणेफेक जिंकून प्रथम फलंदाजी करत १९९ धावा केल्या होत्या . प्रत्युत्तरात टीम इंडियान विराट कोहली आणि केएल राहुल यांच्या शानदार अर्धशतकच्या जोरावर ६ विकेट्सने विजय मिळवला. भारताने ४१.२ षटकांत ४ गडी गमावून २०१ धावा करता विजयावर शिक्कामोर्तब केला. आता या सामन्यातील विराट कोहलीचा एक व्हिडीओ सोशल मीडियावर तुफान व्हायरल होत आहे.

विराट कोहली ११६ चेंडूत ८५ धावा करून बाद झाला. जोश हेझलवूडने त्याला मार्नस लॅबुशेनकरवी झेलबाद केले. कोहलीने आपल्या डावात सहा चौकार लगावले आणि राहुलसोबत १६५ धावांची भागीदारी केली. मात्र, तो सामना पूर्ण करू शकला नाही आणि त्याचे शतकही हुकले, पण टीम इंडियाला विजयाच्या उंबरठ्यावर नेऊन तो बाद झाला.ज्यामुळे विराट कोहलीही निराश दिसून आला. त्याने ड्रेसिंगमध्ये गेल्यावर आपली निराशा व्यक्त करताना कपाळावर दोनदा हात मारुन घेतला. तसेच तो आपली निराशा कॅमेरामॅनपासून लपवण्यासाठी खाली मान घालतानाही दिसला. या घटनेचा व्हिडीओ सोशल मीडियावर तुफान व्हायरल होत आहे.

All people think Rohit Sharma's bitter sweet DRS affair continues commentators left in splits
VIDEO : ‘काही सेकंद बाकी, सर्वांनी डोकं लावा…’, डीआरएसबाबत रोहित शर्मा गोंधळला, शेवटच्या क्षणी घेतला निर्णय
India Vs England 3rd Test Rohit Sharma Video Viral
IND vs ENG : रोहित शर्माने बूट उचलला, अन् जैस्वाल-सर्फराझसह इंग्लंडचे खेळाडू फिरले माघारी, VIDEO व्हायरल
Shubman Gill's reaction to century against ENG 2nd Test
IND vs ENG : “माझ्या बॅटमधून धावा होत नव्हत्या, तेव्हा…”, इंग्लंडविरुद्धच्या शतकी खेळीनंतर शुबमन गिलची प्रतिक्रिया
Indian team restricted England to 253 runs in the first innings
IND vs ENG : बुमराहसमोर इंग्लंडच्या फलंदाजांनी टेकले गुडघे, भारताने पहिल्या डावाच्या जोरावर घेतली १४३ धावांची आघाडी

भारताने ऑस्ट्रेलियाचा सहा गडी राखून पराभव करत विश्वचषक स्पर्धेतील विजयी सुरुवात केली. या सामन्यात भारताच्या विजयाचे नायक लोकेश राहुल आणि विराट कोहली होते. मात्र, दोन्ही फलंदाजांचे शतक हुकले. राहुलने ९७ धावांची नाबाद खेळी तर कोहलीने ८५ धावांची खेळी खेळली. या दोघांशिवाय फक्त हार्दिक पांड्याला खाते उघडता आले. त्याने ११ धावा केल्या.

हेही वाचा – IND vs AUS, World Cup 2023: पहिल्याच सामन्यात किंग कोहलीचा ‘विराट’ धमाका, मोडला सचिन तेंडुलकरचा मोठा विक्रम

ऑस्ट्रेलियातकडून जोश हेझलवूडने ३ आणि मिचेल स्टार्कने १ विकेट घेतली. ऑस्ट्रेलियाकडून स्टीव्ह स्मिथने सर्वाधिक ४६ धावा केल्या. वॉर्नरनेही ४१ धावांची खेळी खेळली. अखेरीस स्टार्कने २८ धावांचे योगदान दिले. भारताकडून रवींद्र जडेजाने तीन विकेट घेतल्या. कुलदीप यादव आणि जसप्रीत बुमराह यांनी प्रत्येकी दोन विकेट घेतल्या. सिराज, हार्दिक आणि अश्विनने प्रत्येकी एक विकेट घेतली.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: A video of virat kohli getting upset after being dismissed in the dressing room has gone viral in ind vs aus match vbm

First published on: 08-10-2023 at 22:59 IST

संबंधित बातम्या

तुम्ही या बातम्या वाचल्या आहेत का? ×