CWG 2022 India Vs Barbados T20 Cricket Match Updates in Marathi: राष्ट्रकुल क्रीडा स्पर्धेत भारतीय महिला क्रिकेट संघाने बार्बाडोसचा १०० धावांनी पराभव केला. स्पर्धेतील दुसऱ्या विजयासह भारताने उपांत्य फेरीत प्रवेश केला आहे. बार्बाडोसची कर्णधार हेली मॅथ्यूजने नाणेफेक जिंकून प्रथम गोलंदाजी करण्याचा निर्णय घेतला होता. त्यामुळे भारताला प्रथम फलंदाजी करावी लागली. निर्धारित २० षटकांमध्ये भारताने चार बाद १६२ धावा केल्या. या लक्ष्याचा पाठलाग करण्यासाठी मैदानात उतरलेल्या बार्बाडोसला २० षटकांमध्ये आठ बाद ६२ धावा करता आल्या. पदकाची आशा टिकवून ठेवण्यासाठी आजचा सामना हरमनप्रीतच्या संघासाठी महत्त्वाचा होता.