scorecardresearch

Premium

World Cup 2023 : गौतम गंभीरने निवडली विश्वचषकातील सर्वोत्तम प्लेइंग इलेव्हन, विराट-रोहित व्यतिरिक्त ‘या’ खेळाडूंना दिले स्थान

Gautam Gambhir Best Playing XI : रोहित आणि विराट व्यतिरिक्त जसप्रीत बुमराह आणि मोहम्मद शमी यांना गौतम गंभीरच्या विश्वचषकातील सर्वोत्तम प्लेइंग इलेव्हनमध्ये स्थान मिळाले आहे. या दोन्ही गोलंदाजांनी अप्रतिम गोलंदाजी केली होती.

Gautam Gambhir Best Playing XI
गौतम गंभीरने विश्वचषक २०२३ मधील बेस्ट प्लेइंग इलेव्हन निवडली (फोटो-लोकसत्ता ग्राफिक्स टीम)

Gautam Gambhir’s Best Playing XI of the World Cup 2023 : टीम इंडियाचा माजी सलामीवीर गौतम गंभीरने २०२३ च्या विश्वचषकातील सर्वोत्कृष्ट प्लेइंग इलेव्हनची निवड केली आहे. या संघात गंभीरने चार भारतीय खेळाडूंचा समावेश केला आहे. रोहित शर्मा आणि दक्षिण आफ्रिकेचा यष्टीरक्षक फलंदाज क्विंटन डी कॉक यांना सलामीवीर म्हणून या संघात ठेवण्यात आले आहे, तर विराट कोहलीने या संघात तिसऱ्या क्रमांकावर स्थान मिळवले आहे. याशिवाय गंभीरने एकाही पाकिस्तानी खेळाडूचा या संघात समावेश केलेला नाही.

शमी आणि बुमराहलाही गंभीरच्या टीममध्ये मिळाले स्थान –

रोहित आणि विराट व्यतिरिक्त जसप्रीत बुमराह आणि मोहम्मद शमी यांना गौतम गंभीरच्या विश्वचषकातील सर्वोत्तम प्लेइंग इलेव्हनमध्ये स्थान मिळाले आहे. या दोन्ही गोलंदाजांनी अप्रतिम गोलंदाजी केली होती. मोहम्मद शमी २०२३ च्या विश्वचषक स्पर्धेत सर्वाधिक विकेट घेणारा गोलंदाज होता. त्याने ७ सामन्यात २४ विकेट घेतल्या. तर जसप्रीत बुमराहने ११ सामन्यात २० विकेट घेतल्या होत्या. शमीने या स्पर्धेत तीन वेळा ५ विकेट्स घेतल्या होत्या.

Kraig Brathwaite on Rodney Hodge
AUS vs WI : माजी ऑस्ट्रेलियन खेळाडूने वेस्ट इंडिजच्या क्षमतेवर उपस्थित केले होते प्रश्न, क्रेग ब्रॅथवेटने दंड दाखवत दिले प्रत्युत्तर
Pope and Bumrah Controversy in Ind vs ENG 1st Test Match
IND vs ENG : जसप्रीत बुमराहने ऑली पोपशी मुद्दाम पंगा घेतल्याने रोहितला करावी लागली मध्यस्थी, VIDEO होतोय व्हायरल
ICC has announced its best ODI squad for 2023
ICC ODI Team : आयसीसीने जाहीर केला २०२३ मधील सर्वोत्तम वनडे संघ, रोहित शर्मासह ‘या’ सहा भारतीयांना मिळाले स्थान
australian open 2024 carlos alcaraz medvedev enter quarter finals
ऑस्ट्रेलियन खुली टेनिस स्पर्धा : अल्कराझ, मेदवेदेवचा उपांत्यपूर्व फेरीत प्रवेश, झ्वेरव्ह, हुरकाझ, झेंग, यास्त्रेमस्काचीही आगेकूच

शुबमन गिलला मिळाले नाही स्थान –

गौतम गंभीरने स्पोर्ट्सक्रिडाशी संवाद साधत असताना आपल्या प्लेइंग इलेव्हनची घोषणा केली. गंभीरने भारताचा सलामीवीर शुबमन गिलचा संघात समावेश केलेला नाही. रोहितशिवाय क्विंटन डी कॉक हा दुसरा सलामीवीर आहे. डी कॉकने २०२३ च्या विश्वचषकात एकूण ४ शतके झळकावली होती. तर विराट कोहलीने ३ शतके झळकावली होती. न्यूझीलंडच्या रचिन रवींद्रच्या नावावरही ३ शतके आहेत.

हेही वाचा – IND vs AUS 3rd T20 : “ते रोबोट नाहीत…”, टी-२० मालिका मध्येच सोडणाऱ्या खेळाडूंबाबत पॅट कमिन्सची प्रतिक्रिया

गंभीरच्या संघात दोन आफ्रिकन खेळाडूंचा समावेश –

गंभीरच्या या संघात भारतातून ४, दक्षिण आफ्रिकेतून ३, अफगाणिस्तानचे २, न्यूझीलंड आणि ऑस्ट्रेलियाचे प्रत्येकी १ खेळाडू निवडला गेला आहे. डी कॉक व्यतिरिक्त दक्षिण आफ्रिकेकडून हेनरिक क्लासेन आणि मार्को जॅन्सन यांना स्थान मिळाले आहे. अफगाणिस्तानकडून राशिद खान आणि अजमतुल्ला उमरझाई यांची निवड करण्यात आली आहे. न्यूझीलंडचा डॅरेल मिशेल आणि ऑस्ट्रेलियाचा ग्लेन मॅक्सवेल यांचा संघात समावेश आहे.
गौतम गंभीरची २०२३ च्या विश्वचषकातील सर्वोत्कृष्ट प्लेइंग इलेव्हनची : क्विंटन डी कॉक, रोहित शर्मा, विराट कोहली, डॅरेल मिशेल, हेनरिक क्लासेन, ग्लेन मॅक्सवेल, अजमतुल्ला ओमरझाई, मार्को जॉन्सन, रशीद खान, जसप्रीत बुमराह, मोहम्मद शमी

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Gautam gambhir picks his best playing xi for odi world cup 2023 vbm

First published on: 28-11-2023 at 17:58 IST

संबंधित बातम्या

तुम्ही या बातम्या वाचल्या आहेत का? ×