scorecardresearch

Premium

ते तंत्र अजुन मलाही उमगलं नाही – केदार जाधव

BCCI.TV ला केदार जाधवची मुलाखत

केदार जाधव (संग्रहीत छायाचित्र)
केदार जाधव (संग्रहीत छायाचित्र)

गेल्या काही दिवसात भारतीय क्रिकेट संघात केदार जाधवने केलेली कामगिरी ही सर्व क्रीडारसिकांनी अनुभवली आहे. आक्रमक फलंदाज, यष्टीरक्षक आणि गोलंदाज अशा तिहेरी भूमिका बजावणाऱ्या या महाराष्ट्राच्या खेळाडूला भारतीय संघात उशीराने जागा मिळाली. मात्र ज्यावेळा संधी मिळाली, त्यावेळी केदार जाधवने त्याचं सोनं करुन दाखवलं आहे. संघ अडचणीत असताना केलेली आक्रमक फलंदाजी असो किंवा प्रतिस्पर्धी संघाची जमलेली जोडी फोडण्यासाठी केलेली गोलंदाजी असो, प्रत्येक बाबतीत केदार जाधवने सर्वोत्कृष्ट कामगिरी केली आहे. गेल्या काही सामन्यांमध्ये केदार जाधवने आपल्या गोलंदाजीत अशी काही सुधारणा केली आहे, की विराट कोहली त्याचा जमलेली जोडी फोडण्यासाठी नेहमी वापर करतो, आणि आपल्या कर्णधाराचा विश्वास सार्थ ठरवत केदारही १-२ विकेट आपल्या खात्यात जमा करतो.

मात्र आपल्या हमखास विकेट मिळवून देण्याबाबतच्या गोलंदाजीचं रहस्य विचारलं असता, केदार जाधवने ते आपल्यालाही उमगलं नसल्याचं कबूल केलं. BCCI.TV ला दिलेल्या मुलाखतीत केदारने ऑस्ट्रेलियाचा माजी कर्णधार मायकेल क्लार्कशी गप्पा मारल्या. ” मी अगदी मनापासून सांगतो, माझ्या गोलंदाजीवर विकेट कशा पडतात मलाही अजुन समजलं नाहीये. पण कर्णधार ज्या विश्वासाने माझ्याकडे चेंडु सोपवतो, तो विश्वास मी सार्थ ठरवतोय याचा मला आनंद आहे.” याचा माझी फलंदाजी सुधारण्यासाठीही फायदा झाल्याचं केदारने कबुल केलं.

minister aditi tatkare on raigad guardian minister, raigad guardian minister uday samant, raigad guardian minister
रायगडचे पालकमंत्री बदलले जाणार का? चर्चेला पूर्णविराम देत आदिती तटकरे म्हणाल्या ” उदय सामंत यांचे काम…”
DharmaraoBaba Atram nagpur
“राजकारणात काहीही होऊ शकते,” धर्मरावबाबा आत्राम असे का म्हणाले?
viju mane shared special post for maharashtra cm eknath shinde
“राजकारण आपल्या जागी असेल…”, विजू मानेंनी मुख्यमंत्र्यांसाठी शेअर केलेली पोस्ट चर्चेत; म्हणाले, “सामान्य जनतेशी…”
Sanjay Raut Ramdas kadam
“मी बोलावं इतकी आदित्य ठाकरेंची उंची नाही”, रामदास कदमांच्या वक्तव्यावर संजय राऊत म्हणाले…

सध्या ऑस्ट्रेलियाविरुद्ध सुरु असलेल्या मालिकेतही केदारने आपलं महत्व अधोरेखीत केलं आहे. अखेरच्या सामन्यातही कर्णधार स्मिथला बाद करत केदारने ऑस्ट्रेलियाची जमलेली जोडी फोडली होती. त्यामुळे आगामी सामन्यांमध्ये केदार जाधव कशी कामगिरी करतो याकडे सर्वांचं लक्ष असणार आहे.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: I dont know how i get wickets says kedar jadhav

First published on: 01-10-2017 at 20:04 IST

संबंधित बातम्या

मराठी कथा ×