Rohit Sharma 1st player to play most T20 World Cup : टीम इंडियाने टी-२० विश्वचषकातील आपल्या मोहिमेची सुरुवात विजयाने केली आहे. न्यूयॉर्कमधील नासाऊ काउंटी आंतरराष्ट्रीय क्रिकेट स्टेडियमवर झालेल्या सामन्यात भारताने आयर्लंडचा ८ विकेट्सनी धुव्वा उडवत टी-२० विश्वचषकातील आपला पहिला विजय नोंदवला. या सामन्यात रोहित शर्माने आयर्लंडविरुद्ध खेळायला उतरताच इतिहास रचला. खरं तर, तो टी-२० सलग नववा हंगाम खेळणारा पहिला फलंदाज ठरला. १९ सप्टेंबर २००७ रोजी डर्बन येथे इंग्लंडविरुद्ध त्याने टी-२० विश्वचषकात पदार्पण केले होते. तेव्हापासून आजपर्यंत तो टी-२० विश्वचषकाच्या प्रत्येक हंगामाचा भाग आहे. कर्णधार म्हणून त्याचा हा दुसरा हंगाम आहे.

हा विक्रम फक्त दोन खेळाडूंच्या नावावर आहे –

रोहित व्यतिरिक्त, पहिल्या हंगामापासून टी-२० वर्ल्ड कपचा प्रत्येक हंगाम खेळणारा दुसरा खेळाडू बांगलादेशचा माजी कर्णधार शकीब अल हसन आहे. मात्र, बांगलादेशचा संघ अद्याप यंदाच्या टी-२० विश्वचषकातील सामना खेळलेला नाही. त्यामुळे ही कामगिरी करणारा रोहित पहिला खेळाडू ठरला आहे. बांगलादेश ८ जूनला श्रीलंकेविरुद्ध आपल्या टी-२० विश्वचषक मोहिमेला सुरुवात करेल. शाकिब जेव्हा त्या सामन्यात खेळेल, तेव्हा ही कामगिरी करणारा तो रोहितनंतरचा दुसरा खेळाडू ठरेल.

Sanju Samson 110m Six Video viral
Sanju Samson : सॅमसनने ११० मीटरचा षटकार ठोकत केला मोठा पराक्रम, ‘ही’ कामगिरी करणारा ठरला सातवा भारतीय
Yashasvi Jaiswal 13 run on 1st legal delivery in T20I
IND vs ZIM: एका चेंडूत १३ धावा! यशस्वी जैस्वालचा दुर्मिळ विक्रम, T20I च्या इतिहासात ‘ही’ कामगिरी करणारा पहिला फलंदाज
Sikandar Raza completes 2000 runs in t20 cricket
IND vs ZIM 4th T20I : सिकंदर रझाने रचला इतिहास, झिम्बाब्वेसाठी ‘हा’ पराक्रम करणारा ठरला पहिलाच खेळाडू
India Won by 68 Runs against England and enter t20 final 2024
IND vs ENG : रोहित शर्माने रचला इतिहास! धोनी-बाबरला मागे टाकत ‘हा’ पराक्रम करणारा ठरला जगातील पहिलाच कर्णधार
Rohit sharma broke Fastesf Fifty Record by Captain in T20 World Cup history
IND v AUS: कॅप्टन रोहित शर्माचे टी-२० वर्ल्डकपच्या इतिहासातील वेगवान अर्धशतक, १७ वर्षे जुना विक्रम मोडला
Rohit Sharma 200 sixes in T20I cricket
IND v AUS: हिटमॅनच्या तडाख्यात स्टार्क-कमिन्स घायाळ; टी-२० क्रिकेटच्या इतिहासात ही कामगिरी करणारा पहिला फलंदाज
Rohit Sharma breaks Chris Gayle's record
IND vs BAN : रोहित शर्माने रचला इतिहास! ख्रिस गेलचा ‘हा’ षटकारांचा विक्रम मोडत ठरला नवा ‘सिक्सर किंग’
Virat Kohli Creates History, Virat Kohli Completes 3000 runs in ICC World Cup
ICC World Cup टूर्नामेंटचा ‘किंग’ ठरला विराट कोहली! विश्वचषकाच्या इतिहासात ही कामगिरी करणारा जगातील पहिला फलंदाज

रोहित शर्माची टी-२० विश्वचषकातील कामगिरी –

रोहित शर्माने आतापर्यंत टी-२० विश्वचषकात एकूण ३६ सामने खेळले आहेत. यामध्ये त्याने ३४.३९ च्या सरासरीने ९६३ धावा केल्या आहेत. हिटमॅनने या काळात ९ अर्धशतकेही झळकावली आहेत. रोहित अजूनही या मेगा टूर्नामेंटमधील पहिल्या शतकाच्या शोधात आहे. जर टी-२० आंतरराष्ट्रीय सामन्यांबद्दल बोलायचे, तर तो धावांच्या बाबतीत तिसऱ्या स्थानावर आहे. त्याने १५१ सामन्यांच्या १४३ डावांमध्ये ३,९७४ धावा केल्या आहेत. टी-२० विश्वचषकात सर्वाधिक सामने खेळण्याचा विक्रमही रोहितच्या नावावर आहे. रोहितने वर्ल्ड कपमध्ये ३७ सामने खेळले आहेत.

हेही वाचा – T20 WC 2024 : अरे हे काय! आऊट झाल्यानंतर डेव्हिड वॉर्नर ओमानच्या ड्रेसिंग रूमकडे निघाला, VIDEO होतोय व्हायरल

टी-२० क्रिकेटमध्ये रोहित शर्माने पूर्ण केल्या ४००० धावा –

आयर्लंडविरूद्धच्या सामन्यात २६ धावा करत रोहित शर्माने टी-२० क्रिकेटमध्ये ४ हजार धावा पूर्ण केल्या आहेत. ही कामगिरी करणारा तो विराट कोहली आणि बाबर आझमनंतरचा तिसरा खेळाडू ठरला आहे. विराट कोहलीच्या टी-२० क्रिकेटमध्ये ४०३८ धावा आहेत, तर बाबर आझमने टी-२० मध्ये एकूण ४०२३ धावा केल्या आहेत. रोहित शर्माने आपल्या १५२व्या सामन्यात ही कामगिरी केली आहे. त्याचबरोबर रोहितने सर्वात कमी चेंडू खेळून हा विक्रम आपल्या नावावर केला आहे. रोहित शर्माने २८६१ चेंडूत ४००० धावांचा टप्पा गाठला आहे.

हेही वाचा – IND vs IRE : रोहित शर्माने धोनीला मागे टाकत रचला इतिहास! ‘हा’ मोठा पराक्रम करणारा ठरला पहिलाच कर्णधार

रोहितने धोनीचा विक्रम मोडत रचला इतिहास –

रोहित शर्माने आतापर्यंत ५५ टी-२० सामन्यांमध्ये टीम इंडियाचे नेतृत्व केले आहे. या काळात टीम इंडियाने रोहितच्या नेतृत्वाखाली ४३ सामने जिंकले आहेत. तर एमएस धोनीने ७२ टी-२० सामन्यांमध्ये टीम इंडियाचे नेतृत्व केले. या काळात त्याने ४२ सामने जिंकले होते. अशा परिस्थितीत या यादीत एमएस धोनीला मागे टाकत रोहित शर्माने इतिहास रचला आहे. तो भारतासाठी सर्वाधिक टी-२० सामने जिंकणारा कर्णधार ठरला आहे. त्याचबरोबर जागतिक पातळीवर सर्वाधिक टी-२० सामने जिंकणारा चौथा कर्णधार ठरला आहे. या यादीत पाकिस्तानचा बाबर आझम अव्वलस्थानी आहे.