T20 World Cup 2022 Pak vs Zim : शेवटच्या क्षणी रन आउट करताना हातातून चेंडू निसटला तरीही पाकिस्तानच्या वाट्याला पराभवच

T20 World Cup 2022 PAK vs ZIM : थरारक सामन्यात पाकिस्तानला पराभूत केल्यानंतर झिम्बाब्वेच्या कर्णधाराची पहिली प्रतिक्रिया, म्हणाला…

पाकिस्तानला शेवटच्या षटकात ११ धावा बनवायच्या होत्या आणि मोहम्मद नवाज व मोहम्मद वसीम ज्युनिअर हे फलंदाजी करत होते. नवाजने ब्रॉड इवान्सच्या पहिल्या चेंडूवर ३ रन केले. त्यानंतर पुढच्या चेंडूवर वसीमने चौकार ठोकला. तिसऱ्या चेंडूवर वसीमने एक रन घेत स्ट्राइक पुन्हा नवाजकडे दिली. आता पाकिस्तानला विजयासाठी अवघ्या तीन धावांची आवश्यकता होती. त्यानंतर चौथ्या चेंडूवर नवाजला एकही धाव काढता आली नाही. पाचव्या चेंडूवर चौकार मारण्याचा प्रयत्न केला मात्र मिडऑफ वर एर्विनने त्याचा झेल घेतला. मोहम्मद नवाजच्या रुपात पाकिस्तानचा सातवा गडी बाद झाला. त्याने १८ चेंडूंत २२ धावा काढल्या. आता शेवटा चेंडू शिल्लक होता आणि पाकिस्तानला विजयासाठी ३ धावांची आवश्यकता होती.

हेही वाचा – T20 World Cup: भारतापाठोपाठ झिम्बाब्वेचा पाकिस्तानला झटका

शाहीन आफ्रिदीकडे स्ट्राइक होती, करो या मरो अशी परिस्थिती निर्माण झालेले असल्याने तो चेंडू बॅटला लागताच धाव घेण्यासाठी पळत सुटला पहिली धाव काढल्यानंतर दुसरी धाव घेण्यासाठी जेव्हा तो पळाला, दरम्यान दुसरीकेड सतर्क असलेल्या एर्विनने थेट चकबवाकडे चेंडू फेकला यावेळी सुरुवातीला तो चेंडू यष्टीरक्षकाच्या हातून निसटला मात्र त्याने दुसऱ्याच क्षणी तो चेंडू पकडला क्षणार्धात स्टम्प्सला लावला. अशाप्रकारे पाकिस्तानला पराभवाला सामोरं जावं लागलं.शाहीनने एका चेंडूवर एक धाव काढली व तो बाद झाला.