IND vs AUS: सिराज आणि लबुशेन भर मैदानात एकमेकांशी भिडले, लबुशेनची कृती पाहून विराटही संतापला अन्… VIDEO व्हायरल

हेही वाचा – IND vs AUS: जसप्रीत बुमराहचा पर्थ कसोटीत दुर्मिळ विक्रम, कसोटीत ‘ही’ कामगिरी करणारा जगातील दुसरा तर भारताचा पहिला गोलंदाज

मोहम्मद सिराज आणि मार्नस लबुशेनमध्ये कशावरून झाला वाद?

ऑस्ट्रेलियाच्या डावात मोहम्मद सिराज आणि मार्नस लबुशेन एकमेकांशी भिडले. ही घटना ऑस्ट्रेलियाच्या डावाच्या १३व्या षटकात घडली, जिथे सिराजने लबुशेनला शॉर्ट ऑफ लेंथ बॉल टाकला. इकडे सिराजचा चेंडू खेळल्यानंतर आत आला आणि लबुशेनच्या पॅडला लागला. तितक्यात चेंडू जवळ असलेला पाहून सिराज चेंडू उचलण्यासाठी पुढे आला. पण तितक्यात लबुशेनने त्याच्या बॅटने चेंडू क्रीझच्या दूर ढकलला. यानंतर सिराजने हातवारे करत काय अशी प्रतिक्रिया देत दोन्ही खेळाडू एकमेकांकडे रागाच्या भरात पाहत होते. दोन्ही खेळाडूंचा हा व्हिडिओ सोशल मीडियावर चांगलाच व्हायरल होत आहे.

हेही वाचा – IND vs AUS: विराट कोहली स्वत:च्या चुकीमुळे ‘असा’ झाला बाद, चेतेश्वर पुजाराने सांगितलं मैदानात नेमकं काय घडलं? पाहा VIDEO

लबुशेनने सिराजचा चेंडू जेव्हा खेळला तेव्हा फलंदाज क्रीझच्या बाहेर होता. सिराजला चेंडू उचलून स्टंपवर मारायचा होता, मार्नस लबुशेनने त्याला तसं करू दिलं नाही, यानंतर भारतीय वेगवान गोलंदाज संतापला आणि सिराज त्याच्याकडे रोखून पाहत होते. ऑस्ट्रेलियन फलंदाजही त्याच्याकडे रोखून पाहून लागला. पुढचे काही सेकंद दोघांमध्ये शाब्दिक युद्ध सुरू होतं.

सिराज-लबुशेनच्या वादात विराट कोहलीची उडी

दुसरीकडे, मार्नस लबुशेनने चेंडू मुद्दाम ढकलेला पाहून कोहलीलाही राग आला, त्याने क्षेत्ररक्षकाकडून चेंडू मागितला आणि बेल्स उडवत आपली प्रतिक्रिया दिली. एकूणच काही मिनिटं मैदानावर तापलेलं वातावरण पाहायला मिळालं. यानंतर सिराजनेच शेवटी लबुशेनला बाद केलं.

हेही वाचा – KL Rahul Wicket Controversy: केएल राहुल आऊट की नॉट आऊट? तिसऱ्या पंचांनी घाईत दिला निर्णय अन् राहुलच्या विकेटमुळे सुरू झाला नवा वाद

सिराजने २१व्या षटकातील सहाव्या चेंडूवर लबुशेनला पायचीत केले. लबुशेन ५२ चेंडूंमध्ये २ धावा करून बाद झाला. लबुशेन मैदानावर उतरला तेव्हाच बाद झाला असता पण विराट कोहलीकडून टिपलेला झेल शेवटी सुटला. जसप्रीत बुमराहच्या गोलंदाजीवर लबुशेन स्लिपमध्ये विराटकडून झेलबाद झाला होताच पण विराट कोहलीचा हात जमिनीवर आपटल्याने चेंडू हातातून निसटला आणि लबुशेन वाचला. पण भारताच्या गोलंदाजांनी त्याला धावा करण्याची संधी दिली नाही.