आयपीएल म्हणजेच इंडियन प्रिमियर लीगच्या १५ व्या पर्वासाठीच्या दोन दिवसीय लिलावाची आजपासून बंगळुरु येथे सुरुवात झाली. दुपारी एक वाजल्यापासून लिलाव सुरु झाला. मात्र लिलाव सुरु झाल्यानंतर सव्वा तासांनंतर अचानक लिलाव थांबवण्यात आला. या लिलावामधील लिलाव करणारे म्हणजेच ऑक्शनर असणारे ह्यूज एडमीड्स अचानक कोसळले आणि एकच गोंधळ उडाला. ह्यूज एडमीड्स हे नक्की कशामुळे पडले हे समोर आलेलं नाही मात्र यामुळे उपस्थित संघ मालक आणि व्यवस्थापकांनाही धक्का बसल्याचं पहायला मिळालं.नक्की वाचा >> IPL Auction 2022: शाहरुखच्या KKR ला मिळाला मुंबईकर कॅप्टन?; तब्बल १२.२५ कोटींना संघात दिलं स्थानश्रीलंकेचा फिरकीपटू वनिंदू हसरंगासाठी बोली लावली जात असताना ऑक्शनर ह्यूज एडमीड्स (hugh edmeades)अचानक जमिनीवर कोसळले. त्यामुळे ऑक्शन थांबवण्यात आलं. लंचची घोषणा करण्यात आली असून एडमीड्स यांच्या प्रकृतीबाबत थोड्याच वेळात अपडेत देण्यात येईल असं लंचची घोषणा करताना सांगण्यात आलं. बीसीसीआयच्या प्रवक्त्यांनी दिलेल्या माहितीनुसार ह्यूज एडमीड्स यांची प्रकृती स्थिर असून डॉक्टरांची टीम त्यांची तपासणी करत आहे. दुपारी तीननंतर लिलावाचा दुसरा भाग सुरु होणार असून तेव्हा ह्यूज एडमीड्स मंचावर असतील असंही प्रवक्त्यांनी म्हटलंय. पॉश्चरल हायपरटेन्शनमुळे ह्यूज एडमीड्स पडल्याची माहिती देण्यात आलीय. आज या महालिलावाचा पहिला दिवस आहे. यावेळी, मुंबई इंडियन्स, चेन्नई सुपर किंग्ज, रॉयल चॅलेंजर्स बंगळुरू, सनरायझर्स हैदराबाद, राजस्थान रॉयल्स, पंजाब किंग्ज, कोलकाता नाइट रायडर्स, दिल्ली कॅपिटल्ससह लखनऊ सुपर जायंट्स आणि गुजरात टायटन्स हे दोन नवीन संघ लीगमध्ये सहभागी झाले आहेत. नक्की वाचा >> IPL Auction 2022: गब्बरची जब्बर कमाई… चौपट अधिक किंमत मिळत ठरला लिलाव झालेला पहिला खेळाडू बंगळुरू येथे आज आणि उद्या रंगणाऱ्या या लिलावामध्ये १५ देशांचे ६०० खेळाडू सहभागी झाले आहेत. पहिल्या दिवशी १६१ खेळाडूंवर बोली लागणार आहे. लिलावाआधी १० संघांनी ३३ खेळाडूंना रिटेन केलं आहे. प्रत्येक संघाला किमान १८ तर सर्वाधिक २५ खेळाडू संघात घेण्याची मूभा आहे. यंदा लिलावामध्ये प्रत्येक संघाला खेळाडूंवर ९० कोटी रुपये खर्च करण्याची मर्यादा घालून दिलीय. या लिलावामध्ये खेळाडूंवर ९०० कोटी रुपये खर्च होण्याची शक्यता आहे.
