Ian Bishop reveals Sachin’s tears came to his eyes: क्रिकेटचा देव म्हटल्या जाणार्‍या महान सचिन तेंडुलकरचा मुलगा अर्जुन तेंडुलकरने नुकतेच आयपीएलमध्ये पदार्पण केले आहे, ज्यामुळे तो चर्चेत आहे. आयपीएलमध्ये खेळणारी सचिन आणि अर्जुन ही पहिली पिता-पुत्र जोडी आहे. आणि अर्जुनने पदार्पणाच्या सामन्यातही चांगली कामगिरी केली. यानंतर त्याने सनरायझर्स हैदराबादविरुद्ध आयपीएलची पहिली विकेटही घेतली. इतकंच नाही तर मुंबईच्या विजयात अर्जुनचा मोलाचा वाटा होता. त्याच वेळी, माजी वेस्ट इंडिजचा खेळाडू इयान बिशप, जो आता आयपीएलमध्ये कॉमेंट्री करत आहे, याने अर्जुनला आयपीएल खेळताना पाहून सचिनच्या डोळ्यात अश्रू आल्याचा खुलासा केला.
इयान बिशपचा मोठा खुलासा –
आयपीएलमध्ये दीर्घकाळ कॉमेंट्री करणारा वेस्ट इंडिजचा माजी खेळाडू इयान बिशप याने सचिन तेंडुलकरबाबत मोठा खुलासा केला. अर्जुनने आयपीएलमध्ये पदार्पण केल्यानंतर सचिनच्या डोळ्यात अश्रू आल्याचे त्याने सांगितले. हैदराबाद आणि मुंबई यांच्यातील सामन्यात कॉमेंट्री करताना बिशप स्टार स्पोर्ट्सवर म्हणाला, ‘फ्लोअर मॅनेजरचे सचिनशी बोलणे झाले, मी त्याचे नाव घेणार नाही, फ्लोअर मॅनेजर सांगितले की अर्जुन आता आयपीएल खेळत असल्याने सचिन आनंदी आहे. त्यामुळे सचिनच्या डोळ्यात पाणी आले. सचिन फ्लोअर मॅनेजर म्हणाला, मी आयपीएलमध्ये पहिल्यांदा गोलंदाजी केली होची, तेव्हा मी पहिल्या षटकात पाच धावा दिल्या होत्या. अर्जुननेही पहिल्या षटकातही पाच धावा दिल्या.
सचिन अर्जुनचे प्रत्येक षटक लक्षात ठेवेल –
माजी खेळाडू आणि भारतीय क्रिकेट संघाचे मुख्य प्रशिक्षक रवी शास्त्री यांनी कॉमेंट्री करताना, सचिन आणि अर्जुनबद्दल एक खास गोष्ट सांगितली. तो म्हणाला, ‘तथापि, अर्जुनला चेंडू मिळेल तेव्हा तो तणावात असेल. तो कदाचित त्याच्या काही डावांना विसरेल पण तो एकही षटक विसरणार नाही. जे अर्जुन टाकेल. अर्जुनचे प्रत्येक षटक त्याच्या (सचिनच्या) लक्षात राहील.’
अर्जुनने मुंबईला विजय मिळवून दिला –
सनरायझर्स हैदराबादला शेवटच्या षटकात २० धावांची गरज होती. मुंबईचा कर्णधार रोहित शर्माने युवा अर्जुन तेंडुलकरला गोलंदाजीसाठी बोलावले. अर्जुनने कर्णधाराचा विश्वास सार्थ ठरवत अवघ्या पाच धावा दिल्या. त्याच्या षटकात दोन विकेटही पडल्या. अब्दुल समद दुसऱ्या चेंडूवर धावबाद झाला आणि पाचव्या चेंडूवर अर्जुन तेंडुलकरने भुवनेश्वर कुमारला रोहित शर्माकडे झेलबाद करून सनरायझर्सचा डाव गुंडाळला. अर्जुनने २.५ षटकात १८ धावा दिल्या आणि एक बळी घेतला.
