RR vs CSK Highlights: राजस्थानने अखेरीस यशस्वीपणे गाठलं विजयाचं लक्ष्य, चेन्नईचा पराभव

आर अश्विनच्या १४व्या षटकात दुसऱ्या चेंडूवर संजू सॅमसन झेलबाद झाला. तर अखेरच्या चेंडूवर चांगली फलंदाजी करणारा वैभव सूर्यवंशीही झेलबाद झाला. राजस्थानचा संघ शेवटच्या सामन्यात तरी विजयी पताका फडकवणार का, यावर सर्वांच्या नजरा आहेत.

यशस्वी जैस्वाल अंशुल कंबोजच्या चौथ्या षटकातील चौथ्या चेंडूवर क्लीन बोल्ड झाला. यासह राजस्थानला पहिला धक्का लागला. जैस्वाल १९ चेंडूत ५ चौकार आणि २ षटकारांसह ३६ धावा करत बाद झाला.

चेन्नई सुपर किंग्सला आयुष म्हात्रे आणि डेवाल्ड ब्रेविस यांच्या शानदार फटकेबाजीनंतरही मोठ्या धावसंख्येत फिनिश करता आलं नाही. अखेरच्या ३ षटकांमध्ये धोनी आणि शिवम दुबे फक्त १७ धावा करू शकले. यासह चेन्नईने प्रथम फलंदाजी करताना ८ बाद १८७ धावा केल्या आहेत. आयुष म्हात्रेने २० चेंडूत ८ चौकार आणि एका षटकारासह ४३ धावांची खेळी केली. तर त्यानंतर डेवाल्ड ब्रेविसने २५ चेंडूत २ चौकार आणि ३ षटकारांसह ४२ धावा केल्या आणि शिवम दुबेसह ५९ धावांची भागीदारीही केली. तर शिवम दुबे ३९ धावा करत बाद झाला. राजस्थानच्या आकाश मधवाल आणि तुषार देशपांडने अखेरच्या षटकांत चांगली गोलंदाजी करत चेन्न्ईच्या धावांना ब्रेक लावला. यासह राजस्थानला विजयासाठी १८८ धावांचे आव्हान दिले आहे.

१४व्या षटकात आकाश मधवाल गोलंदाजी करण्यासाठी आला. ब्रेविस फटकेबाजी करत चेन्नईला मोठ्या धावसंख्येच्या दिशेने नेत होता. पण मधवालने त्याला चौथ्या चेंडूवर क्लीन बोल्ड करत माघारी धाडलं. ब्रेविस २५ चेंडूत २ चौकार आणि ३ षटकारांसह ४२ धावा करत बाद झाला.

आयुष म्हात्रे झेलबाद झाल्यानंतर चेन्नईच्या फलंदाजीला सुरूंग लागला आणि एकेक विकेट गमावली. युधवीर सिंगच्या गोलंदाजीवर रविंद्र जडेजाने आपली विकेट गमावली. ध्रुव जुरेलने एक कमालीचा झेल टिपत चेन्नईला अजून एक धक्का दिला. यासह चेन्नईने ८ षटकांत ५ बाद ७८ धावा केल्या आहेत.

चेन्नईने २ विकेट्स गमावल्यानंतरही आयुष म्हात्रेने वादळी फटकेबाजी केली आणि संघाला पॉवरप्लेमध्ये मोठी धावसंख्या उभारून देत चांगली सुरूवात करून दिली. पण अखेरीस पॉवरप्लेच्या अखेरच्या चेंडूवर तुषार देशपांडेने आयुषला झेलबाद करत चेन्नईला मोठा धक्का दिला. आयुष म्हात्रे २० चेंडूत ८ चौकार आणि एका षटकारासह ४३ धावा करत बाद झाला. यासह चेन्नईने पॉवरप्लेमध्ये ३ बाद ६८ धावा केल्या.

यशस्वी जैस्वाल, वैभव सूर्यवंशी, संजू सॅमसन (कर्णधार), रियान पराग, ध्रुव जुरेल, शिमरॉन हेटमायर, वानिंदू हसरंगा, क्वेना मफाका, युधवीर सिंग चरक, तुषार देशपांडे, आकाश मधवाल

राजस्थान रॉयल्स वि. चेन्नई सुपर किंग्स सामन्याची नाणेफेक राजस्थानने जिंकून प्रथम गोलंदाजी करण्याचा निर्णय घेतला आहे. राजस्थानने अखेरच्या सामन्यासाठी प्लेईंग इलेव्हनमध्ये बदल केले आहेत. तर चेन्नईच्या ताफ्यात बदल करण्यात आलेला नाही.

ऋतुराज गायकवाड (कर्णधार), एमएस धोनी, रवींद्र जडेजा, शिवम दुबे, मथिशा पाथीराना, नूर अहमद, रविचंद्रन अश्विन, डेव्हॉन कॉनवे, सय्यद खलील अहमद, रचिन रवींद्र, अंशुल कंबोज, राहुल त्रिपाठी, सॅम करन, गुर्जपनीत सिंग, नॅथन एलिस, दीपक हुड्डा, जेमी ओव्हरटन, विजय शंकर, वंश बेदी, आंद्रे सिद्धार्थ, श्रेयस गोपाल, रामकृष्ण घोष, कमलेश नागरकोटी, मुकेश चौधरी, शेख रशीद