Punjab Kings vs Mumbai Indians IPL 2024 Highlights : आयपीएल २०२४ मधील ३३वा सामना मुल्लानपूरच्या महाराजा यादवेंद्र सिंग आंतरराष्ट्रीय स्टेडियमवर खेळला गेला. या सामन्यात मुंबई इंडियन्सने पंजाब किंग्जवर ९ धावांनी निसटता विजय मिळवला. या सामन्यात प्रथम फलंदाजी करताना मुंबईने सूर्यकुमार यादवच्या ७८ धावांच्या खेळीच्या जोरावर ७ बाद १९२ धावा केल्या होत्या. प्रत्युत्तरात पंजाब किंग्जचा संघ १९.१ षटकांत १८१ धावांवर गारद झाला. दरम्यान आशुतोष शर्माची ६१ धावांची वादळी खेळी व्यर्थ ठरली.