सारा तेंडुलकरला अर्जुनच्या पहिल्या विकेटची पडली भुरळ, पुन्हा पुन्हा हायलाईट्स पाहण्यात झाली दंग, रिअ‍ॅक्शन होतेय व्हायरल

सामन्यात कॅमरून ग्रीनने ४० चेंडूत नाबाद ६४ धावा केल्या आणि तिलक वर्माने १७ चेंडूत ३७ धावांची आक्रमक खेळी केली. दरम्यान, मुंबई इंडियन्सने २० षटकांत ५ विकेट्स गमावत १९२ धावांपर्यंत मजल मारली. प्रत्युत्तरात सनरायझर्स हैद्राबादने १९. ५ षटकात १७८ धावा केल्या. त्यामुळे मुंबईने १४ धावांनी या सामन्यात विजय मिळवला. सनरायझर्ससाठी मयंक अग्रवालने ४१ चेंडूत ४८ धावा केल्या. हेनरिच क्लासेनने १६ चेंडूत ३६ धावा केल्या. क्लासेनच्या आक्रमक खेळीनं मुंबई इंडियन्सवर दबाव टाकला होता.

नक्की वाचा – अर्जुन तेंडुलकरच्या IPL मधील पहिल्या विकेटवरून प्रीती झिंटाने दिली मोठी प्रतिक्रिया, म्हणाली, “घराणेशाहीवरून अर्जुनला…”

पीयुष चावलाच्या एका षटकात क्लासेननं चौकार षटकार ठोकून २१ धावा कुटल्या होत्या. हैद्राबादचा पराभव करून मुंबईने सलग तिसरा विजय मिळवला आहे. अर्जुन तेंडुलकर २०२१ पासून मुंबई इंडियन्स संघासोबत जोडलेला होता. परंतु, त्याला २०२१ आणि २०२२ ला संधी मिळाली नाही. पण २०२३ मध्ये अर्जुनला पहिल्यांदा आयपीएल खेळण्याची संधी मिळाली. केकेआरविरुद्ध अर्जुनने आयपीएलमध्ये पदार्पण केलं. पहिल्या सामन्यात अर्जुनने २ षटकांची गोलंदाजी केली.