Sourav Ganguly Tweet For Shubman Gill Goes Viral : रविवारी झालेल्या सामन्यात गुजरात टायटन्सने रॉयल चॅलेंजर्स बंगळुरुचा पराभव केला पण विराट कोहलीच्या दमदार शतकाची सर्वत्र चर्चा रंगली आहे. अशातच विराटच्या अप्रतिम फलंदाजीबाबत संपूर्ण क्रीडाविश्वातून त्याच्यावर शुभेच्छांचा वर्षाव होत आहे. विराटप्रमाणे गुजरातचा स्टार फलंदाज शुबमन गिलनेही शानदार शतक ठोकून गुजरातच्या विजयात सिंहाचा वाटा उचलला. गिलच्या शतकानंतर बीसीसीआयचे माजी चेअरमन आणि टीम इंडियाचे माजी कर्णधार सौरव गांगुलीने गिलच्या इनिंगबाबत ट्वीट केलं आहे.

या बातमीसह सर्व प्रीमियम कंटेंट वाचण्यासाठी साइन-इन करा
ई-मेल द्या, नी साइन-अप करा
Already have a account? Sign in

सौरव गांगुलीच्या ट्वीटची तुफान चर्चा

सौरव गांगुलीनं ट्वीट करत म्हटलं की, हा देश किती प्रतिभावंत माणसांना जन्म देतो. शुबमन गिल..वाह..दोन सामन्यात दोन जबरदस्त शतक..आयपीएल…टूर्नामेंटमध्ये अप्रतिम दर्जा पाहायला मिळत आहे @ बीसीसीआय.. गांगुलीनं गिलबाबक केलेल्या या ट्वीटमुळं आरसीबीच्या चाहत्यांमध्ये नाराजी पसरली आहे. त्यानंतर आरसीबीच्या चाहत्यांनी गांगुलीच्या ट्वीटला रिट्वीट करून त्यांची भूमिका मांडली आहे. गिल आणि विराट दोघांनीही जबरदस्त फलंदाजी करून शतकी खेळी केली. आरसीबीकडून खेळताना मागील सामन्यात सनरायझर्सविरोधात विराटने ६१ चेंडूत नाबाद १०१ धावा केल्या. ज्यामध्ये १३ चौकार आणि १ षटकाराचा समावेश आहे.

आणखी वाचा

नक्की वाचा – …अन् विराट कोहलीनं शुबमन गिलला भर मैदानात मिठी मारली, शतकवीरांचा Video पाहून तुमचेही डोळे पाणावतील

गुजरात टायटन्सविरोधात आरसीबीने ५ विकेट्स गमावून १९७ धावांपर्यंत मजल मारली होती. त्यानंतर या धावांचा पाठलाग करताना गिलने ५२ चेंडत १०४ धावांची नाबाद खेळी केली. यामध्ये ५ चौकार आणि ८ षटकारांचा समावेश आहे. विराट कोहलीच्या सलग दुसऱ्या शतकावर गिलची विजयी शतकी खेळी सर्वांच्याच भुवया उंचावून गेली. गुजरात टायटन्सने रॉयल चॅलेंजर्स बंगळुरुचा पराभव केल्यानं आरसीबी आयपीएलमधून बाहेर झाली असून मुंबई इंडियन्सने प्ले ऑफमध्ये प्रवेश केला आहे.

More Stories onआयपीएल २०२४IPL 2024विराट कोहलीVirat Kohliशुबमन गिलShubman Gillसौरव गांगुलीSaurav Ganguly
मराठीतील सर्व आयपीएल २०२४ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Sourav ganguly praises shubman gill performance and ignores virat kohli kohl fans disappointed on sourav ganguly tweet nss
First published on: 22-05-2023 at 17:56 IST