IPL 2023: इरफान पठाण आणि सुनील गावसकरांनी नाटू-नाटू गाण्यावर धरला ठेका; पाहा मजेदार VIDEO

इरफानने त्याच्या अधिकृत इंस्टाग्राम अकाऊंटवर डान्सचा व्हिडिओ शेअर केला आहे, ज्यामध्ये तो गावसकर सोबत नाचताना दिसत आहे. वास्तविक, हा व्हिडिओ आयपीएल २०२३ च्या उद्घाटन समारंभाचा आहे. या सोहळ्यात अभिनेत्री रश्मिका मंदान्नाने नाटू-नाटू गाण्यावर डान्स केला होत, तेव्हा या दोन्ही माजी क्रिकेटपटूंनी नृत्य केले होते. गुजरात टायटन्स आणि चेन्नई सुपर किंग्ज यांच्यातील सामन्यापूर्वी अहमदाबादच्या नरेंद्र मोदी स्टेडियममध्ये उद्घाटन सोहळा आयोजित करण्यात आला होता.

हेही वाचा – IPL 2023: बीसीसीआयने जारी केले फर्मान, गोलंदाजांना गाळावा लागणार दुप्पट घाम, जाणून घ्या काय आहे कारण?

इरफानने डान्स व्हिडिओच्या कॅप्शनमध्ये लिहिले की, “कोणी चांगले केले. आम्ही (सुनील गावसकर आणि इरफान पठाण) की रश्मिका मंदान्नाने. इरफान आणि गावसकर आयपीएल २०२३ मध्ये कॉमेंट्री पॅनलचा भाग आहेत. गावसकर यांच्या उद्घाटन समारंभाचा आणखी एक व्हिडिओ समोर आला होता, ज्यामध्ये ते कॉमेंट्री बॉक्समध्येच नाचू लागले होते.

त्याचबरोबर आयपीएल २०२३ स्पर्धेबद्दल बोलायचे, तर आयपीएलच्या १६व्या हंगामातील सातव्या सामन्यात गुजरात टायटन्स संघ दिल्ली कॅपिटल्ससमोर आहे. दोन्ही संघांमधील हा सामना दिल्लीतील अरुण जेटली स्टेडियमवर खेळला जात आहे. या सामन्यात गुजरातने नाणेफेक जिंकून गोलंदाजी करण्याचा निर्णय घेतला. दिल्लीला मोसमातील पहिल्या विजयाचे वेध लागले आहेत. गेल्या सामन्यात त्यांना लखनऊ सुपर जायंट्सविरुद्ध पराभव स्वीकारावा लागला होता. त्याचवेळी गुजरातने पहिल्या सामन्यात चेन्नई सुपर किंग्जचा पराभव केला.