IND vs AUS: मिचेल मार्शला बाद करत बुमराहने केला मोठा पराक्रम, भारतासाठी 'ही' कामगिरी करणारा ठरला पहिलाच गोलंदाजJasprit Bumrah became the first Indian bowler to dismiss the Australian opener in the World Cup in IND vs AUS

IND vs AUS Match, World Cup 2023: भारताचा अनुभवी गोलंदाज जसप्रीत बुमराहने ऑस्ट्रेलियाला पहिला धक्का देत इतिहास रचला आहे. या विकेटसह त्याने आपल्या नावावर एक खास पराक्रम केला आहे.

India vs Australia Cricket Score Updates in Marathi

जसप्रीत बुमराहने मिचेल मार्शला बाद केल्यानंतर केला एकच जल्लोष (फोटो-बीसीसीआय ट्विटर)

World Cup 2023, India vs Australia Match Upadates: एकदिवसीय विश्वचषक २०२३ मधील पाचवा सामना रविवारी (८ ऑक्टोबर) भारत आणि ऑस्ट्रेलिया यांच्यात खेळला गेला. चेन्नईच्या एमए चिदंबरम स्टेडियमवर टीम इंडियाने शानदार कामगिरी केली. या सामन्यात भारतीय गोलंदाज चांगल्या फॉर्ममध्ये दिसले. जसप्रीत बुमराहने ऑस्ट्रेलियाला पहिला धक्का देत कांगारू संघाला बॅकफूटवर आणले.

जसप्रीत बुमराहने रचला इतिहास –

बुमराहने विरोधी संघाचा सलामीवीर मिचेल मार्शला आपला बळी बनवले. मार्शला शून्यावर बाद करत जसप्रीत बुमराहाने टीम इंडियासाठी इतिहास रचला.२९ वर्षीय बुमराह वर्ल्ड कपमध्ये ऑस्ट्रेलियन सलामीवीराला शून्यावर बाद करणारा टीम इंडियाचा पहिला गोलंदाज ठरला आहे. बुमराहपूर्वी विश्वचषकात ऑस्ट्रेलियन सलामीवीराला शून्यावर बाद करण्याचा पराक्रम कोणत्याही भारतीय गोलंदाजाला करता आला नव्हता. भारताविरुद्ध मिचेल मार्शची बॅट पूर्णपणे नि:शब्द झाली आहे. कांगारू संघाच्या डावाची सुरुवात करताना त्याने एकूण सहा चेंडूंचा सामना केला. दरम्यान, खाते न उघडता मार्श बुमराहचा बळी ठरला. विराट कोहलीने मार्शचा अप्रतिम झेल घेतला.

??#CWC23 | #INDvAUS | #TeamIndia | #MeninBlue https://t.co/AdqxNYtwdP pic.twitter.com/HrM1ym1dJw
— BCCI (@BCCI) October 8, 2023

भारताचा ऑस्ट्रेलियाविरुद्धचा १५० वा सामना –

भारताचा ऑस्ट्रेलियाविरुद्धचा हा १५० वा एकदिवसीय सामना आहे. कोणत्याही एका संघाविरुद्ध एकदिवसीय सामन्यांची ही भारताची दुसरी सर्वाधिक सामने आहेत. टीम इंडियाने श्रीलंकेविरुद्ध सर्वाधिक एकदिवसीय सामने खेळले आहेत. भारताने श्रीलंकेविरुद्ध १६७ एकदिवसीय सामने खेळले आहेत. ऑस्ट्रेलिया दुसऱ्या स्थानावर तर वेस्ट इंडिजचा संघ १४२ वनडेसह तिसऱ्या स्थानावर आहे.

हेही वाचा – IND vs AUS, World Cup 2023: डेव्हिड वॉर्नरने विश्वचषकात रचला इतिहास, सचिन-डिव्हिलियर्सला मागे टाकत केला ‘हा’ खास पराक्रम

कोणत्याही प्रतिस्पर्ध्याविरुद्ध भारताने खेळलेले सर्वाधिक एकदिवसीय सामने:

१६७ सामना: विरुद्ध श्रीलंका
१५० सामने: विरुद्ध ऑस्ट्रेलिया*
१४२ सामना: विरुद्ध वेस्ट इंडिज
१३४ सामना: विरुद्ध पाकिस्तान
११६ सामना: विरुद्ध न्यूझीलंड
१०६ सामना: विरुद्ध इंग्लंड

Number 8⃣?

Jasprit Bumrah with his second breakthrough and Shreyas Iyer with the catch ?

Follow the Match ▶️ https://t.co/ToKaGif9ri#CWC23 | #INDvAUS | #TeamIndia | #MeninBlue pic.twitter.com/o10zumlxqO
— BCCI (@BCCI) October 8, 2023

एकदिवसीय विश्वचषकात ऑस्ट्रेलियासाठी सर्वाधिक धावा –

डेव्हिड वॉर्नरने एकदिवसीय विश्वचषकात ऑस्ट्रेलियासाठी हजार धावा पूर्ण केल्या आहेत. अशी कामगिरी करणारा तो चौथा ऑस्ट्रेलियन फलंदाज ठरला. त्याच्या आधी रिकी पाँटिंग, अॅडम गिलख्रिस्ट आणि मार्क वॉ यांनी ही कामगिरी केली आहे.

हेही वाचा – IND vs AUS, World Cup 2023: भारत-ऑस्ट्रेलिया सामन्यात गोंधळ घालणारा ‘जार्व्हो ६९’ आहे तरी कोण? जाणून घ्या

This quiz is AI-generated and for edutainment purposes only.

एकदिवसीय विश्वचषकात ऑस्ट्रेलियन फलंदाजाच्या सर्वाधिक धावा –

१७४३ धावा: रिकी पाँटिंग
१०८५ धावा: अॅडम गिलख्रिस्ट
१०३३ धावा: डेव्हिड वॉर्नर<br>१००४ धावा: मार्क वॉ
९८७ धावा: मॅथ्यू हेडन

First published on: 08-10-2023 at 18:09 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Jasprit bumrah became the first indian bowler to dismiss the australian opener in the world cup in ind vs aus vbm

IND vs AUS: मिचेल मार्शला बाद करत बुमराहने केला मोठा पराक्रम, भारतासाठी ‘ही’ कामगिरी करणारा ठरला पहिलाच गोलंदाज

जसप्रीत बुमराहने रचला इतिहास –

भारताचा ऑस्ट्रेलियाविरुद्धचा १५० वा सामना –

कोणत्याही प्रतिस्पर्ध्याविरुद्ध भारताने खेळलेले सर्वाधिक एकदिवसीय सामने:

एकदिवसीय विश्वचषकात ऑस्ट्रेलियासाठी सर्वाधिक धावा –

एकदिवसीय विश्वचषकात ऑस्ट्रेलियन फलंदाजाच्या सर्वाधिक धावा –