एमएस धोनी हा भारतीय संघाचा सर्वात यशस्वी कर्णधारांपैकी एक होता. त्याने भारताला २ विश्वचषक मिळवून दिले. धोनीने १५ ऑगस्ट २०२० मध्ये आंतरराष्ट्रीय क्रिकेटला अलविदा केला. त्यानंतर माही नेहमी त्याच्या कोणत्या ना कोणत्या गोष्टीने आपल्या चाहत्यांचे लक्ष वेधून घेत असतो. मात्र, आता एमएस धोनीचा एक फोटो व्हायरल होत आहे, ज्यामध्ये तो पोलिस अधिकाऱ्याच्या भूमिकेत दिसत आहे. गुरुवारी एका जाहिरातीसाठी तो पोलिस अधिकाऱ्याच्या लूकमध्ये दिसला. काही मिनिटांतच त्याचा लूक सोशल मीडियावर व्हायरल झाला आहे. काही चाहत्यांसाठी, त्याने रोहित शेट्टीच्या चित्रपटांची फक्त या लूकने आठवण करून दिली आहे. धोनी पोलीसाच्या वेशात पाहून चाहते पडले विचारात - सोशल मीडियावर धोनीचा फोटो पाहताच तो व्हायरल झाला आहे. एका जनजागृती कार्यक्रमाशी संबंधित जाहिरातीसाठी त्याने हे शूट केल्याचे सांगण्यात येत आहे. तरी चाहते त्याला रोहित शेट्टीचा पुढचा चित्रपट करण्याचा सल्ला देत आहेत. https://twitter.com/CricCrazyJohns/status/1621061219414310914?s=20&t=K6irRZwc0mfm_OBvgArF3w काही चाहते म्हणत आहेत की, कदाचित धोनीचा हा लूक आयपीएल २०२३ च्या आधी त्याच्या चेन्नई सुपर किंग्जच्या फ्रँचायझीच्या जाहिरातीसाठी असेल. मात्र, हा लूक कोणत्या जाहिरातीसाठी आहे हे अद्याप स्पष्ट झालेले नाही. आयपीएल २०२३ मध्ये सीएसकेचे नेतृत्व करणार आहे - क्रिकेटच्या मैदानात धोनी आयपीएल २०२३ मधून पुनरागमन करत आहे. काही रिपोर्ट्समध्ये असा दावा केला जात आहे की, धोनीची ही शेवटची आयपीएल आहे. त्यानंतर तो खेळाडू म्हणून संघात सामील होणार नसून मेंटॉर किंवा अन्य कोणत्या तरी भूमिकेत दिसणार आहे. धोनीच्या नेतृत्वाखाली चेन्नई संघाने आतापर्यंत एकूण 4 आयपीएल विजेतेपदे जिंकली आहेत.
